प्रशिक्षक अब्दुल्लाह बुबाजस्तै लाग्छ: कप्तान किरण (भिडियो) – Nepal Press

प्रशिक्षक अब्दुल्लाह बुबाजस्तै लाग्छ: कप्तान किरण (भिडियो)

काठमाडौं । नेपाली राष्ट्रिय फुटबल टोलीका कप्तान किरण चेम्जोङले मुख्य प्रशिक्षक अब्दुल्लाह अल्मुताइरीले खेलाडीलाई प्रशिक्षकमात्रै नभएर बाबुजस्तो व्यवहार गर्ने बताएका छन् ।

‘अब्दुल्लाहसँग प्रशिक्षण गरेको ५-६ महिना भयो । अब्दुल्लासँग ट्रेनिङ गरेको । मलाई लाग्छ सबैजना राम्रो ‘सेप’मा छौं । हामी हाइली मोटिभेटेड छौं । कन्फिडेन्ट पनि बढेको छ,’ किरणले भने ‘१३ वर्षको अनुभवमा अब्दुल्लाह कोचमात्रै नभएर बुबाजस्तो ‘ट्रिट’ गर्नुहुन्छ ।’

भोलिको खेलसँगै किरण चेम्जोङ नेपाली टोलीबाट सर्वाधिक क्याप जित्ने सूचीमा पूर्वकप्तान विराज महर्जनसँग बराबरी गर्नेछन् ।

‘राष्ट्रिय टोलीको प्रतिनिधित्व गरेर त्यहाँसम्म पुग्नु गर्वको कुरा हो,’ उनले भने, ‘मैले १८ वर्षमा डेब्यू गर्दा म घाइते भएको थिएँ । मलाई करियर सकिए जस्तो लागेको थियो । तर, मैले फाइट गरेँ ।’

‘भोलिको खेलमा हाइएस्ट क्याप्ड खेलाडीको कीर्तिमान बन्ने छ,’ उनले भने, ‘कीर्तिमान बनिँदै जान्छ । इतिहास लेखिँदै जान्छ । भोलिको खेल हाम्रो लागि महत्त्वपूर्ण छ । र, म त्यसमा फोकस्ड छु ।’

 

प्रतिक्रिया

Leave a Reply

Your email address will not be published. Required fields are marked *

सम्बन्धित खवर