बर्दघाटका बाढीपीडितलाई ग्लोबल आईएमई बैंकको सहयोग – Nepal Press

बर्दघाटका बाढीपीडितलाई ग्लोबल आईएमई बैंकको सहयोग

काठमाडौं । ग्लोबल आइएमई बैंक लिमिटेडले नवलपरासी बर्दघाट सुस्तापश्चिमका बाढीबाट प्रभावितलाई राहत सामाग्री वितरण गरेको छ ।

बाढीबाट घरबारविहीन भएकालाई जीवनयापनमा सहज होस् भन्ने उद्देश्यले संस्थागत सामाजिक उत्तरदायित्वअन्तर्गत उक्त राहत बाँडिएको बैंकले जनाएको छ ।

रामग्राम नगरपालिका- १८ पम्फापुरका १३५ परिवारलाई प्रति घरधुरी चामल, चिउरा, दाल, नुन, तेल, बेसार तथा मिनरल वाटरलगायतका सामग्री वितरण गरिएको हो ।

बैंकको लुम्बिनी प्रादेशिक कार्यालयले रामग्राम नगरपालिकासँग समन्वय गरी शाखा कार्यालयहरू भुमही र परासीको संयोजनमा राहत बाँडेको हो ।

ग्लोबल आइएमई बैंक लुम्बिनी प्रादेशिक कार्यालय प्रमुख रवि श्रेष्ठ, रामग्राम नगरपालिकाका मेयर नरेन्द्रकुमार गुप्ता तथा वडाध्यक्ष गोपाल डिस्वा मगरको रोहवरमा राहत ती सामाग्री हस्तान्तरण गरिएको हो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर