रोनाल्डोको स्थानमा युभेन्टसले भित्र्यायो मोइस किन
नेपाल प्रेस
२०७८ भदौ १५ गते १६:०७
काठमाडौं । इटालियन क्लब युभेन्टसले स्टार फरवार्ड क्रिस्टियानो रोनाल्डोको स्थानमा युवा खेलाडी मोइस किनलाई अनुबन्ध गरेको छ ।
पोचुर्गिज कप्तान रोनाल्डो कहिदिन अघि मात्रै युभेन्टसमा तीन वर्षको बसाई टुङ्ग्याउँदै १२ वर्षपछि आफ्नै पुरानै क्लब म्यान्चेस्टर युनाइटेड फर्किएका थिए ।
दुई वर्ष अघि युभेन्टसबाट एभर्टन गएका २१ वर्षीय किनले अघिल्लो सिजन पेरिस सेन्ट जर्मन (पीएसजी)मा लोनमा बिताएका थिए । पीएसजीमा उनले सबै प्रतियोगितामा कुल १७ गोल गरेका थिए ।
शीर्ष टोलीमा २१ खेल खेल्दै ८ गोल गर्नुअघि किन २०१० देखि २०१७ सम्म युभेन्टसको एकेडेमीमा थिए ।
२०१८ मा इटालीको राष्ट्रिय टोलीमा डेब्यु गरेका उनले ९ अन्तर्राष्ट्रिय खेल खेलेका छन् ।
नेपाल प्रेस
प्रकाशित: २०७८ भदौ १५ गते १६:०७
प्रतिक्रिया
सम्बन्धित खवर
