यूईएफए च्याम्पियन्स लिगको ‘ड्र’ आज राति

काठमाडौं । युरोपेली क्लब फुटबलको सबैभन्दा ठूलो प्रतियोगिता- यूईएफए च्याम्पियन्स लिग- समूह चरणको लागि बिहीबार राति खेल तालिका जारी हुँदैछ । टर्कीको इस्तानबुलमा हुने च्याम्पियन्स लिगको ‘ड्र’ले ३२ टोलीको खेल तालिकाको टुङ्गो लगाउने छ ।

गत सिजनको नतिजामार्फत् नै २६ टोलीले आगामी सिजनको च्याम्पियन्स लिगमा स्थान बनाइसकेका थिए भने थप ६ टोलीले पनि छनोटमार्फत् स्थान बनाएका छन् । गत सिजनको फाइनलमा म्यानचेस्टर सिटीलाई १-० ले पराजित गर्दै चेल्सीले च्याम्पियन्स लिगको उपाधि जितेको थियो । नेपाली समयअनुसार बिहीबार राति ९:४५ बजेदेखि ड्र सेरेमोनी सुरु हुनेछ ।

प्रतियोगितामा सहभागी हुने टोलीहरू:

इङ्ल्यान्ड: म्यानचेस्टर सिटी, म्यानचेस्टर युनाइटेड, चेल्सी, लिभरपुल

स्पेन: रियाल मड्रिड, बार्सिलोना, एथ्लेटिको मड्रिड, भिलारियाल, सेभिया

जर्मनी: बायर्न म्युनिख, आरबी लाइपजिग, बोरुसिया डर्टमन्ड, वुल्फ्सबर्ग

इटाली: इन्टर मिलान, एसी मिलान, युभेन्टस, एट्लान्टा

पोर्चुगल: स्पोर्टिङ लिस्बोन, बेन्फिका, पोर्टो

फ्रान्स: पेरिस सेन्ट जर्मन, लिले

नेदरल्यान्ड्स: आयाक्स

टर्की: बसिक्टस

रुस: जेनिट सेन्ट पिटर्सबर्ग

युक्रेन: डाइनामो किभ, साख्तार डोनेस्क

बेल्जियम: क्लब बर्ग

स्वीटजरल्यान्ड: योङ ब्वाइज

स्वीडेन: माल्मो

अस्ट्रिया: आरबी साल्जबर्ग

मोल्डोभा: शेरिफ