मच्छिन्द्रसँग रन्जित धिमालको सम्झौता नवीकरण – Nepal Press

मच्छिन्द्रसँग रन्जित धिमालको सम्झौता नवीकरण

काठमाडौं । डिफेन्डर रन्जित धिमालले ए डिभिजन लिग च्याम्पियन मच्छिन्द्र क्लबसँगको सम्झौता नवीकरण गरेका छन् । शहीद स्मारक ए डिभिजन लिगको तयारीमा रहेको मच्छिन्द्रले २०२१/२२ का लागि रन्जितसँग सम्झौता गरेको हो ।

राष्ट्रिय टोलीका नियमित सदस्य रहँदै आएका रन्जित अहिले बन्द प्रशिक्षणमा छैनन् । राष्ट्रिय टोलीका मुख्य प्रशिक्षक अब्दुल्लाह अल्मुताइरीले रन्जितलाई ३८ जनाको टोलीमा समेटे पनि २८ जना घोषणा गर्दा उनलाई बाहिर राखेका थिए । थ्री स्टार, एपीएफ तथा एनआरटीबाट खेलिसकेका ३० वर्षीय रन्जित गत संस्करणमा मच्छिन्द्र लिग च्याम्पियन बन्दा महत्त्वपूर्ण सदस्य थिए ।

उनले गत वैशाखमा भएको नेपालकै पहिलो फुटलब फ्रेन्चाइज- नेपाल सुपर लिग (एनएसएल) मा विराटनगर सिटी फुटबल क्लबको कप्तानीसमेत गरेका थिए ।

ए डिभिजन लिग आगामी कार्तिक २९ गतेदेखि सुरु गर्ने अखिल नेपाल फुटबल संघ (एन्फा) को तयारी छ ।

प्रतिक्रिया

Leave a Reply

Your email address will not be published. Required fields are marked *