अर्याल होटल पुगेका माया र तुलसा संस्थापन पक्षमै फर्किए, दलको बैठकमा सहभागी
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/08/maya-gyawali.jpg)
काठमाडौं । माधव नेपालपक्षीय सांसदहरूको भेलामा पुगेकी वामदेव गौतमपत्नी कुमारी तुलसी थापा अर्याल होटलबाट सीधै संसद भवनमा पुगेकी छन् ।
अध्यक्ष केपी ओलीले बोलाएको संसदीय दलको बैठकमा भाग लिन उनी ल्होत्से हलमा आइपुगेको बैठकस्थलमा एमाले नेता गोकुल बास्कोटाले जानकारी दिए । तीन बजेदेखि बस्ने बैठकमा भाग लिन माधव नेपाल पक्षका राष्ट्रियसभाका केही सांसद पनि बैठकस्थलमा पुगेका छन् । तुलसी थापा यसअघि अर्याल होटलमा पनि पुगेकी थिइन् ।
उनले आफू माधव नेपाललाई भेट्नका लागि अर्याल होटलमा गएको भन्दै गुट परिवर्तनको निर्णय भइनसकेको बताएकी छन् । यसैबीच माधवपक्षीय सांसदहरूको भेलामा सहभागी भएकी माया ज्ञवाली पनि संसदीय दलको बैठकमा उपस्थित भएको एमालेकी सचेतक शान्ता चौधरीले जानकारी दिइन् ।