जय अग्रगमन – Nepal Press

जय अग्रगमन

छोड्नु हुन्न

ओलीको गन्ध आउने

अवशेष पनि छोड्नु हुन्न

मेट्नुपर्छ

नक्सामा थपिएको लिम्पियाधुराको चुच्चो

ढाल्नुपर्छ

स्वाभिमानका साथ उभिएको धरहरा

पुर्नुपर्छ

निशानी नरहनेगरि रानीपोखरी

थुन्नुपर्छ

देशैभर सुरूङ्ग मार्गका मुखहरू

भत्काउनुपर्छ

देशैभरका रङ्गशालाहरू

काट्नुपर्छ

पेट्रोलको पाइपलाइन

उधार्नुपर्छ

सिउँदै गरेको रेलको लिग

चुँडाउनुपर्छ

सयौं पुलका लाठा र बाँध्नुपर्छ तुइनका डोरीहरू

फुटाल्नुपर्छ

अयोध्यापुरी को राम मूर्ति

बेच्नुपर्छ

फेरि पशुपतिनाथको गजुर

चलाउँ डोजर

हजारौं किलोमिटर पिच बाटाहरूमा

बन्द गरौँ

चलिरहेको महिला उद्यमी कर्जा

खुल्ला गरौँ

बन्द भएका व्यवसायहरूमा सिन्डिकेट

अझै गरौँ खारेज्

कुनकुन बाँकी छन् संस्थाहरू

र, बोकौँ

संविधानको किताब

र भनौं

जय अग्रगमन ।

विवेक देवकोटा – पोखरा


प्रतिक्रिया

One thought on “जय अग्रगमन

Leave a Reply

Your email address will not be published. Required fields are marked *