पुष्पलालको जन्मथलोमा एमाले रामेछापको स्मृतिसभा – Nepal Press

पुष्पलालको जन्मथलोमा एमाले रामेछापको स्मृतिसभा

रामेछाप । नेपाल कम्युनिष्ट पार्टीका संस्थापक महासचिव पुष्पलाल श्रेष्ठको ४३ औं स्मृति दिवसका अवसरमा नेकपा एमालेले पुष्पलाल जन्मेकै स्थलमा श्रद्धाञ्जली सभा गरेको छ ।

नेकपाका संस्थापक पुष्पलाल र शहीद गंगालाल दुवै दाजुभाइ रामेछापको भँगेरीमा जन्मिएका थिए । जन्मघरमै रहेको शालिकमा माल्यार्पण गर्दै एमाले रामेछापले स्मृतिसभा आयोजना गरेको हो ।

कार्यक्रममा एमाले केन्द्रीय सदस्य माधव ढुंगेल, रामेछाप जिल्ला कमिटी अध्यक्ष आनन्द श्रेष्ठ, सचिव पुरुषोत्तम कडरियालगायतका नेताहरूले पुष्पलालको बारेमा चर्चा गरेका थिए ।

पुष्पलालको जन्म विसं १९८१ असार १५ गते रामेछापको भँगेरीमा भएको थियो । उनको निधन २०३५ साउन ७ गते भएको थियो । एमालेले साउन ७ गते पुष्पलाल स्मृति दिवसका रूपमा मनाउँदै आएको छ ।

 

 

प्रतिक्रिया

Leave a Reply

Your email address will not be published. Required fields are marked *