तस्बिरमा एमाले केन्द्रीय कमिटीको १३ औं बैठक, वामदेव पनि सहभागी – Nepal Press

तस्बिरमा एमाले केन्द्रीय कमिटीको १३ औं बैठक, वामदेव पनि सहभागी

काठमाडौं । नेकपा एमाले केन्द्रीय कमिटीको बैठक बालुवाटारमा जारी छ । एमालेले १० औं महाधिवेशन आयोजक कमिटी भंग गर्दै २०७५ जेठ २ को अवस्थामा पार्टी फर्किएको घोषणासहित आज केन्द्रीय कमिटीको १३ बैठक डाकेको हो ।

बैठकमा माधवकुमार नेपाल पक्ष भने सहभागी छैन । नेपाल पक्षका स्थायी कमिटी सदस्यहरूको हिजोको भेलाले यथास्थितिमा केन्द्रीय कमिटी बैठकमा सहभागी नहुने निर्णय गरेको थियो । सबै कमिटीलाई २०७५ जेठ २ गते अघिको अवस्थामा क्रियाशील गराउन महाधिवेशन आयोजक कमिटीको निर्णयले अवरोध पुर्‍याएको नेपाल पक्षको निष्कर्ष छ ।

जारी बैठकमा अध्यक्ष ओलीले हजारौं प्रयासका बाबजुद पार्टीलाई एक हुन नदिने खेल भइरहेको बताएका छन् ।

बैठकको पूर्वसन्ध्यामा बिहीबार राति प्रधानमन्त्री एवम् अध्यक्ष केपी शर्मा ओली र वरिष्ठ नेता माधवकुमार नेपालबीच अनौपचारिक संवाद भएको थियो । ओलीले आजको बैठकमा उपस्थित भएर आफ्ना कुरा राख्न र पार्टी विभाजनतर्फ नजान नेता नेपाललाई आग्रह गरेको बताइएको छ ।

आजको केन्द्रीय कमिटी बैठकमा सहभागी हुन माधव पक्षका नेताहरूलाई २०७५ जेठ २ कै हैसियत अनुसारको पद तोकेर पत्र पठाइएको थियो । उपाध्यक्ष वामदेव गौतम भने बैठकमा सहभागी छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ