फेडेरेर र जोकोभिच फ्रेन्च ओपनको तेस्रो चरणमा प्रवेश

एजेन्सी । स्वीस स्टार रोजर फेडेरर र सर्वियन नोभाक जोकोभिच ग्राण्डस्लाम टेनिस फ्रेन्च ओपनको तेस्रो चरणमा प्रवेश गरेका छन् ।

आठौं बरियताका फेडेररले क्रोएसियाका मरिन किलिकमाथि ३–१ को सेटमा कठिन जित निकाले । पसिना पुछ्ने नाममा धेरै समय लिएको भन्दै विपक्षीले प्रश्न गरेपछि अम्पायरबाट चेतावनी पाएका ३९ वर्षीय फेडेररले सुरुआती सेट ६–२ ले जितेर पनि दोस्रो सेट २–६ ले गुमाएका थिए ।

निकै आक्रामक खेलको तेस्रो सेटमा फेडेररले जित निकाल्ट टाइब्रेकको साहरा लिनुप¥यो । चौथो सेट भने उनले सहजै ६–२ ले जिते । फेडेररले तेस्रो चरणमा जर्मनीका डोमिनिक कोफरसँग खेल्नेछन् ।

शीर्ष वरियताका नोभाक जोकोभिचले उरुग्वेका पाब्लो क्युभासलाई ६–३, ६–२ र ६–४ को सेटमा हराएर तेस्रो चरणमा प्रवेश गरे । उनले आफ्नो करिअरमै पहिलोपल्ट पाब्लोसँग खेलेका हुन् । जोकोभिच लगातार १६ औं वर्ष फ्रेन्च ओपनको तेस्रो चरणमा पुगे ।

शीर्ष ३२ मा जोकोभिचले लिथुवानियाका रिकार्डास बेरान्किससँग खेल्नेछन् । उनी विश्य वरियतामा ९३ औं स्थानमा छन् । १८ पल्टका ग्राण्डस्लाम विजेता जोकोभिच दोस्रोपल्ट फ्रेन्च ओपनको उपाधि जित्ने लक्ष्यमा छन् । यसअघि उनले सन् २०१६ मा यो उपाधि जितेका थिए ।