सांसदहरूलाई कोरोनाविरुद्धको दोस्रो डोज खोप लगाउन शुरू – Nepal Press

सांसदहरूलाई कोरोनाविरुद्धको दोस्रो डोज खोप लगाउन शुरू

काठमाडौं । सांसदहरूलाई कोरोनाविरुद्धको दोस्रो डोज खोप लगाउन शुरू गरिएको छ । नयाँ वानेश्वरस्थित संघीय संसद भवन पुगेर सभामुख अग्नि सापकोटाले कोभिडसिल्डको दोस्रो डोज लगाएका छन् ।

संसद सचिवालयले नयाँवानेश्वरस्थिति संघीय संसद भवनको ल्होत्से हलमा आजदेखि आइतबारसम्म (३ दिन) खोप लगाउन व्यवस्था मिलाएको छ ।

शुक्रबारका लागि प्रतिनिधिसभाका सभामुख, राष्ट्रियसभाका अध्यक्ष, उपाध्यक्ष लगायत दुवै सदनका सांसदहरू, पदाधिकारीहरूका निजी सजिवालयका सबै कर्मचारीका लागि खोप लगाइने छ । बिहान १० देखि ४ बजेसम्म खोप लगाइने सचिवालयले जनाएको छ ।

त्यसैगरी भोलि शनिबार संघीय संसद सचिवालयका सबै कर्मचारी, अन्तर्राष्ट्रिय सम्मेलन केन्द्र र नयाँवानेश्वरमा कार्यरत कर्मचारीहरी साथै आइतबार स्वकीय सचिव लगायतका सबै कर्मचारी, मर्यादापालक, सुरक्षासँग सम्बन्धित कर्मचारी र संसदीय मामिलाका पत्रकारलाई खोप लगाउने तालिका छ ।


प्रतिक्रिया

Leave a Reply

Your email address will not be published. Required fields are marked *