नेपाली संगीतमा प्रेमध्वजको योगदान स्मरणीय : सभामुख सापकोटा
नेपाल प्रेस
२०७८ वैशाख २३ गते १७:०८
काठमाडौं । सभामुख अग्निप्रसाद सापकोटाले वरिष्ठ गायक तथा संगीतकार प्रेमध्वज प्रधानको निधनप्रति दुःख व्यक्त गरेका छन् ।
प्रधानको निधनको खबरले मर्माहत बनाएको भन्दै उनले श्रद्धाञ्जली अर्पण गरेका छन् ।
नेपाली साङ्गीतिक क्षेत्रमा प्रधाननले पुर्याएको योगदान स्मरणीय रहने सभामुख सापकोटाको भनाइ छ।
बसुन्धरास्थित न्यूरो अस्पतालमा प्रधानको निधन भएको थियो । ‘घुम्तीमा नआऊ है’, ‘गुलाफी घुम्टो’, ‘नमान लाज यसरी’, ‘टाढा नभइदेऊ फेरि’, ‘पर लैजाऊ फूलहरू’ लगायतका उनले गाएका दर्जनौं गीत चर्चित छन् ।
सानैदेखि संगीतमा लागेका उनले ७०० बढी गीत रेकर्ड गराएका छन् । प्रधानले ‘याद कसैको आइरहेछ यो अँधेरी रातमा’ बोलको पहिलो गीत रेडियो नेपालमा रेकर्ड गराएका हुन् ।
नेपाल प्रेस
प्रकाशित: २०७८ वैशाख २३ गते १७:०८
प्रतिक्रिया
सम्बन्धित खवर
