कोरोनासँग जुध्न सरकार-नागरिकबीच हातेमालो जरुरी : उपप्रधानमन्त्री पोखरेल (भिडियो) – Nepal Press

कोरोनासँग जुध्न सरकार-नागरिकबीच हातेमालो जरुरी : उपप्रधानमन्त्री पोखरेल (भिडियो)

काठमाडौं । उपप्रधानमन्त्री तथा कोभिड-१९ रोकथाम तथा नियन्त्रण उच्चस्तरीय समिति (सीसीएमसी) का संयोजक ईश्वर पोखरेलले कोरोनालाई परास्त गर्न नागरिक र सरकारबीच हातेमालो हुनुपर्नेमा जोड दिएका छन् ।

महामारीविरुद्धको कार्यमा सबैको साझा दायित्व भएको बताए ।

सबैले हातेमालो गर्दै अगाडि बढ्न र जवाफदेही बन्न अपिल गरेका छन् । । शुक्रबार एक भिडियो अपिलमा उपप्रधानमन्त्री पोखरेलले कोरोनाको अघिल्लो लहरले धेरै कुरा सिकाएर गएको हुँदा दोस्रो लहरमा व्यवस्थापन सहज हुने बताए ।

‘अहिले लागू भएको निषेधाज्ञा कोरोना संक्रमणको फैलदो अवस्थाको चेन ब्रेक गर्न हो । स्थानीय प्रशासनले आफ्नो आवश्यकता हेरेर व्यवस्थापनको कस्तो विधि अपनाउने हो त्यो गर्न अधिकार दिएका छौं’, उनले भने ।

उपप्रधानमन्त्री पोखरेलले निषेधाज्ञा जनताको स्वास्थ्य सुरक्षा जीवन रक्षाको लागि भएकोले कुनै राजनीतिक उद्देश्य नहेर्न पनि आग्रह गरेका छन् । अहिले जनता आफैंपनि सचेत र जिम्मेवार हुनुपर्ने आवश्यकता रहेकोमा उनको जोड छ ।

सरकारले परिस्थितिको गम्भिरतालाई बुझेर अभिभावकीय भूमिका निर्वाह गरेको उनको भनाइ छ ।

 


प्रतिक्रिया

Leave a Reply

Your email address will not be published. Required fields are marked *

सम्बन्धित खवर