कोरोनाविरुद्धको खोप किन्न स्वास्थ्य मन्त्रालयले माग्यो ३३ अर्ब

काठमाडौं । स्वास्थ्य तथा जनसंख्या मन्त्रालयले अर्थ मन्त्रालयसँग ३३ अर्ब रूपैयाँ कोरोनाविरुद्धको खोप व्यवस्थापन गर्न माग गरेको छ ।

अर्थ समितिले बिहीबार स्वास्थ्य मन्त्रालयसँग गरेको पूर्वबजेट छलफलमा सो रकम खोप किन्नका माग गरिएको हो । कोरोनाविरुद्धको खोप पाउन योग्य ७२ प्रतिशत जनसंख्यामा खोप पुर्‍याउनका लागि सो रकम आवश्यक भएको स्वास्थ्य मन्त्रालयका सचिव लक्षमण अर्यालले बताए ।

स्वास्थ्य मन्त्रालयले अहिलेसम्म कोरोना नियन्त्रण र खोप किन्नका लागि ४८ अर्ब खर्च भएको समितिलाई जानकारी गराएका छन् । समितिमा सचिव अर्यालले आर्थिक वर्ष २०७८/७९ कोभिड-१९ महामारी रोकथाम तथा नियन्त्रणका लागि नभएर खोप किन्नका लागि मात्र सो रकम आवश्यक भएको जानकारी गराएका थिए ।

यसैगरी मन्त्रालयले चालु आर्थिक वर्षको चैत मसान्तसम्ममा कोभिड-१९ पहिचान, रोकथाम, नियन्त्रण र उपचारमा मन्त्रालयले पाँच अर्ब १७ करोड ७२ लाख रुपैयाँ बराबर खर्च गरेको विवरणसमेत समितिमा पेस गरेको थियो ।

यसैगरी, खोप कार्यक्रम र एचडीयूका आगि दुई अर्ब ५४ करोड ४८ लाख रुपैयाँ भुक्तानी हुन बाँकी रहेको मन्त्रालयले जानकारी दिएको छ ।

प्रतिक्रिया

Leave a Reply

Your email address will not be published. Required fields are marked *