बाइडेनको घोषणा- सेप्टेम्बर ११ सम्ममा सबै अमेरिकी सैनिक अफगानिस्तानबाट फिर्ता

एजेन्सी । अमेरिकी रास्ट्रपति जो बाइडेनले आगामी सेप्टेम्बर ११ (भदौ २६) सम्ममा अफगानिस्तानमा रहेका सबै अमेरिकी सैनिक फिर्ता गर्ने घोषणा गरेका छन् ।

पूर्व रास्ट्रपति डोनाल्ड ट्रम्प प्रशासनले यसअघि मे १ (बैशाख १८) सम्म सबै अमेरिकी सैनिक फिर्ता गर्ने निर्णय गरे पनि त्यसको म्याद गुज्रिँदा करिब ३ हजार अमेरिकी सेना अफगानिस्तानमै रहेको दि न्यूयोर्क टाइम्सले उल्लेख गरेको छ।

न्यूयोर्क टाइम्सका अनुसार अमेरिकामा आतंकबादी हमलापछिको २० बर्ष लामो युद्ध अन्त्य गर्न बाइडेनको यो विशेष निर्णय हो। अमेरिकी सैनिक फिर्ता प्रक्रिया ढिला हुँदा अफगानी अधिकारीहरु सशंकित भएको न्यूयोर्क टाइम्सले लेखेको छ ।

तालिवानका ५ हजार बन्दी गतवर्ष रिहा गरेको अफगान सरकारले अधिकांश बन्दीले पुनः युद्धमा सहभागीता जनाएकोले थप कैदी रिहाइमा आनाकानी गरेको छ।