सर्वाधिक चेन होटलको उपाधी चौधरी ग्रुपको ‘द फर्न’ लाई

काठमाडौं । चौधरी ग्रुपको भारतस्थित ‘द फर्न होटेल्स एण्ड रिसार्टस’ होटल भारतको सर्वाधिक ठूलो हस्पिटालिटी सेवा प्रदायक घोषणा भएको छ ।

एचभीएस एनारकामा प्रकाशित ‘इन्डियन हस्पिटालिटी ओभरभ्यू २०२०’ अनुसार ‘द फर्न’ ले भारतमा सबैभन्दा धेरै व्यावसाय विस्तार गरेको बताइएको छ । एचभीएसले गत वर्ष भारतीय होटल व्यवसायमा आएको उतरचढावबारे पनि अध्ययन गरेको छ ।

यसैगरी, एचभीएसको अध्ययनअनुसार व्यवसाय विस्तारमा ‘द फर्न’ पछि म्यारियट, सरोवर, आइएचसीएल र इन्टेली स्टे छन् । कोठाका संख्याका आधारमा भने ‘द फर्न’ तेस्रो नम्बरमा छ ।

सीजी हस्पिटालिटीले कन्सेप्ट हस्पिटालिटीसँगको सहकार्यमा होटल विस्तार र सञ्चालन गर्दै आएको छ । सीजीको यो सफलतासँगै सन २०२१ मा विभिन्न स्थानमा थप १३ ओटा होटल खोल्ने योजना कम्पनीको छ । अहिले सीजीसँग ‘द फर्न’ को चेन संख्या ७४ ओटा रहेको छ ।