चैतको तेस्रो सातामा कर्जाभन्दा निक्षेप २ अर्बले बढी

काठमाडौं । सरकारी खर्च बढ्न थालेपछी बैंक तथा वित्तीय संस्थाहरुमा पनि निक्षेपको रकम बढ्न थालेको छ । सरकारले चैत महिनामा दैनिक ३.५ अर्ब खर्च गरिरहेको छ ।

चैतको तेस्रो सातामा ३८ अर्ब रुपैयाँ कर्जा प्रवाह हुँदा ४० अर्ब रुपैयाँ निक्षेप संकलन भएको नेपाल बैंकर्स संघ चैतको तेस्रो हप्ताको तथ्याङ्कले देखाएको छ ।

चैतको पहिलो साता १४ अर्ब , दोस्रो साता १० अर्ब र तेस्रो साता ४० अर्ब गरी यो महिनाको तीन सातामा ६४ अर्ब रुपैयाँ निक्षेप संकलन भएको छ भने ८९ अर्ब रुपैयाँ कर्जा लगानी भएको छ ।

फागुन महिनामा वाणिज्य बैकहरुको यस्तो कर्जा लगानी ८८ अर्ब रहेको थियो भने निक्षेप संकलन ३९ अर्ब मात्रै रहेको थियो ।