धनुषामा एकैदिन दुई पुरुषको शंकास्पद हत्या – Nepal Press

धनुषामा एकैदिन दुई पुरुषको शंकास्पद हत्या

जनकपुरधाम । धनुषामा एकैदिन दुई जनाको शंकास्पद हत्या भएको छ । बिहीवार विहान क्षिरेश्वरनाथ नगरपालिका ३ पर्सा पकडियास्थित आँपको बगैंचामा परिचय खुल्न नसकेका एक पुरुषको शव भेटियो । आज विहानै औरही गाउँपालिका २ कपटौलस्थित खेतबारीको बगैचामा पनि एक पुरुष मृत फेला परेका हुन् ।

पर्सा पकडियास्थित आँप बगैचामा फेला परेको पुरुषको पहिचान खुल्न सकेका छैन । उनलाई कसैले हत्या गरेर बगैचामा फालेको हुनसक्ने स्थानीयको अनुमान छ । तर प्रहरीले घटनाको अनुसन्धान भइरहेको मात्र बताएको छ ।

यस्तै कपटौलमा मृत फेला परेका ४० वर्षीय पुरुष औरही गाउँपालिका ३ का विजय मण्डल रहेको प्रहरीले जनाएको छ । उनलाई गम्छाले घाँटी थिचेर हत्या गरेको देखिएको स्थानीय बताउँछन् । चैते धान रोप्न गएका उनी खेतबाटै बेपत्ता भएका थिए ।

ईलाका प्रहरी कार्यालय औरहीका इन्चार्ज प्रहरी नायब निरीक्षक सन्तोष झाले घटना विषयमा अनुसन्धान भइरहेको बताए । उनले कानूनी प्रक्रिया पुरा गरी शव पोष्टमार्टमका लागि जनकपुर पठाएको जानकारी दिए ।

प्रतिक्रिया

Leave a Reply

Your email address will not be published. Required fields are marked *

नेपाल अपडेट ट्रेन्डिङ