गण्डकीमा माधव नेपाल पक्षको बेग्लै कमिटी, सुरेन्द्र पाण्डे बने संयोजक – Nepal Press

गण्डकीमा माधव नेपाल पक्षको बेग्लै कमिटी, सुरेन्द्र पाण्डे बने संयोजक

पोखरा । नेकपा एमालेको माधव नेपाल पक्षले विहीबारमात्रै पार्टी सदस्यबाट निलम्वनमा परेका नेता सुरेन्द्र पाण्डेलाई गण्डकी प्रदेशको संयोजक बनाएको छ ।

पोखरामा माधव नेपालको उपस्थितिमा भएको भेलाले पाण्डेलाई गण्डकी संयोजक बनाएको हो ।

गण्डकीका अधिकांश सिनियर नेता संस्थापन पक्षमा रहेकाले माधव पक्षले पाण्डेलाई गण्डकीको नेता बनाएको हो । भेलाले गण्डकी प्रदेशका सबै जिल्लामा समानान्तर कमिटी गठन गरेको छ ।

जस अनुसार कास्कीमा धनराज आचार्य, स्यांजामा रामचन्द्र भट्टराई, म्याग्दीमा बालकृष्ण सुवेदी, बागलुङमा इन्द्रलाल सापकोटा, पर्वतमा भक्त कुँवर, तनहुमा शंकरनारायण श्रेष्ठ अध्यक्ष चयन भएका छन् ।

प्रदेश कमिटीको सहसंयोजकमा तुलबहादुर गुरुङ र श्रीमाया थकाली रहेको केन्द्रीय सदस्य दिलकुमारी पन्तले जानकारी दिइन् । यो कमिटीले पार्टी कामको संयोजनमात्र गर्ने र अर्को पदाधिकारीहरु चयन गर्ने उनले नेपाल प्रेसलाई बताइन् ।

प्रतिक्रिया

Leave a Reply

Your email address will not be published.

सम्बन्धित खवर