भोजपुरमा माधव पक्षले बनायो एमालेको समानान्तर कमिटी, को के बने ? – Nepal Press

भोजपुरमा माधव पक्षले बनायो एमालेको समानान्तर कमिटी, को के बने ?

भोजपुर । नेकपा एमालेको माधवकुमार नेपाल पक्षले भोजपुरमा समानान्तर कमिटी गठन गरेको छ ।

काठमाडौंको कलंकीस्थित मेघा पार्टी प्यालेसमा बसेको माधव पक्षधरका स्थायी कमिटी सदस्यहरूको बैठकले देशभर समानान्तर कमिटी ब्युँताउने निर्णय गरेकै दिन भोजपुरमा माधव पक्षको जिल्ला कमिटी गठन गरिएको हो ।

पार्टीको विस्तारित बैठक राखेर शरणकुमार राईको अध्यक्षतामा १७५ सदस्यीय अलग्गै कमिटी बनाइएको हो । समानान्तर कमिटीको उपाध्यक्षमा विष्णुबहादुर राउत, सचिवमा वीरजंग राई र उपसचिवमा इन्दिरा घलेलाई चयन गरिएको छ ।

राई पुन:स्थापित एमालेका सचिव हुन् । तत्कालीन नेकपाको प्रचण्ड-माधव पक्षले गठन गरेको जिल्ला कमिटीमा उनलाई अध्यक्षको जिम्मेवारी दिइएको थियो ।

विस्तारित बैठकमा बेदुराम भुसाल, पर्शुनेगी गुरुङ, जयन्ती राई, राजेन्द्र राई र हरिबहादुर राईलगायतका नेताहरू उपस्थित थिए । करिब तीन सय कार्यकर्ताको सहभागतिमा भएको बैठकले रिक्त ठाउँहरूमा बहुमत निर्णयबाट पदाधिकारी थप गरिएको उक्त पक्षको दाबी छ ।

भ्रातृ संगठनसँगै, वडा तहसम्म भेला र बैठक गर्ने तथा कमिटी विस्तार गर्नेगरीको योजना पनि बनेको बताइएको छ ।

प्रतिक्रिया

Leave a Reply

Your email address will not be published. Required fields are marked *