भारतमा दाजुबाटै बेचिएका बालक १० वर्षपछि फर्किए

सुर्खेत । चार कक्षामा पढ्दा आफ्नै दाइले भारत पुर्‍याएका एकजना १० वर्षपछि नेपाल फर्किएका छन् ।

आफ्नो नाम कृष्ण कार्की बताउने १९ वर्षीय ती युवा सुर्खेत आइपुगेका हुन् । वीरेन्द्रनगर लाटीकोइलीस्थित शिव माध्यमिक विद्यालयमा ४ कक्षामा पढ्दै गर्दा दाजु प्रकाश (कान्छा बुवा धनवीर कार्कीको छोरा) सँगै भारतको दिल्ली गएको उनले बताए ।

‘भारतको दिल्ली लिएर सरदारको घरमा राखिदिए । म डराउन थालेपछि मालिकले खबर गरेर बालगृहमा राखिदिए । पछि बुझ्दा घरमालिकले दाइलाई ५ लाख भारु दिएको बताए ।’

भारतको बाल सुधार गृहमा रहँदा कृष्ण (रातो घेरामा) ।

कृष्ण लाटीकोइलीस्थित खगेन्द्र कार्कीको घरमा बसिरहेका कृष्णको परिवारसँग भने सम्पर्क भएको छैन ।

‘मेरा बाजेको नाम गोपाल कार्की, बाबु गणेश कार्की, आमा धौली कार्की हो । भाइ किशोर कार्की र बहिनी कल्पना कार्की छन्’,उनले भने ।

भारतीय दूतावासको सहयोगमा काठमाडौं आएका उनी काठमाडौंको चावहिलस्थित बालसुधार गृहमा केही दिन बसे । सुर्खेत ८ लाटीकोइली, पहाड घर दैलेख बताएपछि उनलाई महेन्द्रनगर हुँदै सुर्खेत ल्याइएको हो ।

प्रतिक्रिया

Leave a Reply

Your email address will not be published. Required fields are marked *