बुटवलको दियालो फुडल्याण्डमा मध्यरातमा आगलागी, डेढ करोडको क्षति

रूपन्देही । बुधबार राती बुटवलमा रहेको एक रेष्टुरेण्टमा आगलागी भएको छ । बुटवलको मिलनचोकमा रहेको दियालो फुडल्याण्डमा मध्यराति करिब साँढे १ बजे आगलागि भएको हो ।

आगलागिबाट रेष्टुरेण्ट सेक्टरको माथिल्लो तला पूर्णरुपमा क्षति भएको छ भने तल्लो तलामा कम क्षति भएको छ । आगलागीबाट डेढ करोड भन्दा बढीको क्षति भएको फुडल्याण्डका प्रबन्धक मदन भण्डारीले बताए ।

बुटवल उपमहानगरपालिकाको दमकलको सहायतामा करिब ३ घण्टापछि आगो नियन्त्रणमा लिएको इलाका प्रहरी कार्यलय बुटवलले जानकारी दिएको छ । आगो कसरी लाग्यो त्यसको बारेमा थप अनुसन्धान भइ रहेको र क्षतिको बारेमा थप विवरण आउन बाँकी रहेको प्रहरीले जनाएको छ ।