मेयर्स कप: वाग्मतिविरुद्ध पुलिस ७२ रनमा अल आउट

काठमाडौं । आजदेखि काठमाडौंमा सुरु भएको काठमाडौं मेयर्स कपमा विभागीय टोली नेपाल पुलिस क्लबले वाग्मति प्रदेशविरुद्ध २५.२ ओभरमा सबै विकेट गुमाएर ७२ रन मात्रै बनाएको छ ।

मूलपानी क्रिकेट मैदानमा टस जितेर ब्याटिङ रोजेको पुलिसका लागि कप्तान मन्जित श्रेष्ठले सर्वाधिक १५ तथा अनिल साह, दिलिप नाथ र सुनिल धमलाले १०/१० रन बाहेक अन्य ब्याट्सम्यानले दोहोरो अंकमा रन बनाउन सकेनन् ।

सशक्त बलिङ गरेको वाग्मतिका लागि आरियो पौडेलले ४ ओभरमा १ मेडनसहित ७ रन खर्चेर सर्वाधिक चार विकेट लिए । त्यस्तै नन्दनले ३ तथा सोनु देवकोटाले १ विकेट लिए ।

बिहान आउट फिल्ड चिसो भएकाले ढिलो सुरु भएको खेल ३८ ओभरमा छोट्याइएको छ । दोस्रो इनिङमा वाग्मतिलाई जितका लागि ७३ रन आवश्यक छ ।