प्रचण्ड-माधव पक्षीय नेकपा संसदीय दलको बैठक बस्दै
नेपाल प्रेस
२०७७ फागुन २१ गते १२:२२
काठमाडौं । नेपाल कम्युनिष्ट पार्टी (प्रचण्ड-माधव पक्ष) को संसदीय दलको बैठक बस्ने भएको छ। बैठक दिउँसो एक बजे सिंहरदबारस्थित संसदीय दलको कार्यालयमा बस्न लागेको हो ।
प्रमुख सचेतक देव गुरुङले बैठकमा ओलीपक्षीय सांसदहरूलाई पनि आमन्त्रित गरिएको बताए ।
विभाजित नेपाल कम्युनिष्ट पार्टीको ओली पक्षले पनि शनिबारका लागि संसदीय दलको बैठक डाकेको छ। शनिबार दिउँसो सिंहदरबारस्थित नेकपा संसदीय दलको कार्यालयमा बोलाइएको बैठकमा प्रचण्ड-माधव पक्षलाई समेत बोलाइएको छ।
सबै सांसदहरुलाई एसएमएसमार्फत आमन्त्रण गरिएको प्रमुख सेचतक विशाल भट्टराईले जानकारी दिए।
संघीय संसदमा सग्लो नेकपाका १७४ सांसद छन् ।
नेपाल प्रेस
प्रकाशित: २०७७ फागुन २१ गते १२:२२
प्रतिक्रिया
सम्बन्धित खवर
