ब्वाइज युनियनको जितमा मिलनको ह्याट्रिक – Nepal Press

ब्वाइज युनियनको जितमा मिलनको ह्याट्रिक

काठमाडौं । मिलन लिम्बुको ह्याट्रिक प्रेरित ब्वाइज युनियन क्बले शहीद स्मारक ‘बी’ डिभिजन लिगमा आइतबार नयाँबस्ती युथ क्लबलाई ३-० गोलको नतिजामा पराजित गरेको छ ।

सातदोबाटोस्थित एन्फा कम्प्लेक्समा भएको खेलको २१औं मिनेटमा मिलनले गोल गर्दै ब्वाइज युनियनलाई अग्रता दिलाएका थिए । नयाँबस्तीको रक्षापंक्तिमाथि निरन्तर आक्रमण गरेको ब्वाइज युनियनका लागि मिलनले पहिलो हाफको इन्जुरी समयमा पुन: गोल गर्दै टोलीको अग्रता दोब्बर पारे ।

ब्वाइज युनियनको आक्रमणसामु निरीह बनेको नयाँबस्तीले दोस्रो हाफमा थप एक गोल खायो । ब्वाइज युनियनको जितमा नायक सावित भएका मिलनले ५७औं मिनेटमा ह्याट्रिक पूरा गर्दै टोलीको सहज जित सुनिश्चित गरे ।

जितसँगै ८ खेलबाट १४ अंक जोडेको ब्वाइज युनियन लिग तालिकाको चौथो स्थानमा छ । पराजित नयाँबस्ती समान खेलबाट ११ अंकसहित पाचौं स्थानमा छ ।

प्रतिक्रिया

Leave a Reply

Your email address will not be published. Required fields are marked *