कोरोनाविरुद्धको खोपका लागि अर्थ मन्त्रालयले दुई खेपमा एक अर्ब निकासा गर्दै – Nepal Press

कोरोनाविरुद्धको खोपका लागि अर्थ मन्त्रालयले दुई खेपमा एक अर्ब निकासा गर्दै

काठमाडौं । सरकारले भारतबाट २० लाख डोज खोप किन्ने निर्णय गरेसँगै अर्थ मन्त्रालयले एक अर्ब रुपैयाँ बजेट स्वीकृत गरेको छ ।

कोरोना खोप खरीदका लागि स्वास्थ्य मन्त्रालयलाई अर्थबाट १ अर्ब रुपैयाँ बजेट उपलब्ध भएको हो । मंगलबार बसेको मन्त्रीपरिषद्को वैठकले उत्पादकलाई अग्रीम भुक्तानी दिएर खोप खरिद गर्ने निर्णय लिएको थियो ।

अर्थले पैसा निकासा गरेपछि २० लाख डोज खोप आउने निश्चित भएको छ । अर्थमन्त्रीका प्रेस सल्लाहकार भुवन केसीका अनुसार सो रकम अर्थले स्वास्थ्य मन्त्रालयलाई दुई किस्तामा दिने छ ।

केही दिनअघि नै स्वास्थ्यलाई ५० करोड रुपैयाँ दिने निर्णय अर्थले गरिसकेको थियो । मंगलबार थप ५० करोड रुपैयाँ स्वीकृत गरेको हो । कोरोना खोप खरीद प्रक्रियाका लागि स्वास्थ्य मन्त्रालयले अर्थ मन्त्रालयसँग पहिल्यै रकम माग गरेको थियो ।

यो रकम स्वीकृत भएसँगै नेपालले भारतबाट २० लाख खोप खरीद गर्ने छ । यसअघि भारतले नेपाललाई १० लाख डोज खोप अनुदानमा दिएको थियो । सो खोप पहिला ‘फ्रन्ट लाइन’ मा काम गर्ने स्वास्थ्यकर्मी, सरसफाइकर्मी, पत्रकार लगायतलाई दिइएको छ ।

चीनले पनि नेपाललाई ५ लाख डोज खोप उपलब्ध गराउने बताएको छ । मंगलबारसम्ममा २ लाख ८३ हजारभन्दा बढीले कोरोनाको खोप लगाइसकेका छन् ।सरकारले फागुन २३ गतेदेखि ६० वर्ष उमेर माथिका जेष्ठ नागरिकलाई खोप लगाउने स्वास्थ्य मन्त्रालयले जानकारी दिएको छ ।


प्रतिक्रिया

Leave a Reply

Your email address will not be published. Required fields are marked *