नुवाकोटमा ईश्वर पोखरेललाई प्रचण्ड-माधव पक्षको अवरोध प्रयास (फोटो/भिडियो) – Nepal Press

नुवाकोटमा ईश्वर पोखरेललाई प्रचण्ड-माधव पक्षको अवरोध प्रयास (फोटो/भिडियो)

काठमाडौं । केपी ओली पक्षधर नेकपाको जिल्ला कार्यकर्ता भेलामा सहभागी हुन नुवाकोट पुगेका उपप्रधानमन्त्री ईश्वर पोखरेलमाथि आक्रमण प्रयास भएको छ । प्रचण्ड-माधव नेपाल पक्षधर नेकपाका कार्यकर्ताले पोखरेल सवार गाडीमा ढुंगा प्रहार गरेका छन् ।

बट्टार क्याम्पस अगाडि विरोध प्रदर्शनमा उत्रिएका प्रचण्ड-माधव पक्षधर कार्यकर्ताले कालो झण्डा देखाउँदै पोखरेलको आगमनको विरोध गरेका थिए । उनीहरुलाई हटाउने क्रममा प्रहरीले लाठीचार्ज गरेको थियो ।

केही पूर्व माओवादीका कार्यकर्ताले आक्रमण प्रयास गरेपनि प्रहरीले तितरवितर बनाएको उपप्रधानमन्त्री ईश्वर पोखरेलको प्रमुख स्वकीय सचिव दिपेन्द्र श्रेष्ठले बताए । ढुंगा प्रहारबाट गल्छी स्याफु्रबेसी सडक आयोजनाका प्रमुख चढेको गाडी क्षतिग्रस्त भएको छ ।

विरोध प्रदर्शनमा सहभागी प्रचण्ड-माधव पक्षधर नेकपा जिल्ला नेता उषाकिरण तिम्सिनाले उपप्रधानमन्त्री पोखरेलविरुद्ध शान्तिपूर्ण विरोध प्रदर्शन गर्ने क्रममा ओली पक्षका कार्यकर्ताले आफूहरुमाथि आक्रमण गरेपछि तोडफोड भएको बताएकी छन् ।

उनका अनुसार प्रहरीले लाठीचार्ज गरेपछि झडप हुँदा गाडी तोडफोड भएको हो ।

प्रतिक्रिया

Leave a Reply

Your email address will not be published.

सम्बन्धित खवर