अग्नि खरेलको प्रश्न- धारा ७६ को २ बमोजिमको सरकार हो भने दुई दलहरु कुन-कुन हुन् ? – Nepal Press
संवैधानिक इजलास

अग्नि खरेलको प्रश्न- धारा ७६ को २ बमोजिमको सरकार हो भने दुई दलहरु कुन-कुन हुन् ?

काठमाडौं । प्रतिनिधि सभा विघटनविरुद्धको मुद्दामा जारी सुनुवाइको क्रममा सोमबारदेखि सरकारको तर्फबाट बहस शुरू भएको छ ।

बहसमा भाग लिँदै महान्यायाधिवक्ता अग्नि खरेलले रिट निवेदकले आफ्नो निवेदनभन्दा बाहिर रहेर प्र‍श्‍न उठाएको जिकिर गरेका छन् ।

त्यस्तै केपी ओली नेतृत्वको सरकार संविधानको धारा ७६ को उपधारा २ बमोजिम गठन भएको दाबी मान्‍ने हो भने संयुक्त सरकारमा कुन-कुन दल सहभागी छन् ? देखाउन विपक्षीलाई चुनौती दिएका छन् ।

‘विघटन बदर गरिपाउँ भन्ने रिट हाल्ने अनि राजपत्रमा आएको छैन भनेर प्रश्न उठाउनु उपयुक्त भएन श्रीमान । निवेदनभन्दा बाहिर गएर प्रश्नहरु उठाइएको छ श्रीमान । निवेदकले नै ७६ को १ को सरकार भन्नुभएको छ, खरेलले भने, ‘तर, बहस गर्दा त्यसविपरीत धारणाहरू आए । यदि ७६ को २ बमोजिमको सरकार हो भने ती २ दलहरू कुन हुन् ? निवेदकले ती दलको अस्तित्व देखाउन सक्नुपर्छ । यदि सरकार ७६ २ को सरकार हो भन्ने हो भने ती दलहरु छुट्टाछुट्टै अस्तित्वमा रहेको ठहर्छ श्रीमान ।’

खरेलले भने, ‘राजपत्रबारे प्रष्ट पार्नुपर्ने देखियाे श्रीमान् । राजपत्रमा २ कुरा हुन्छ । एउटा प्रकाशित भएपछि लागू हुन्छ । दाेस्राे लागू गरेपछि प्रकाशित गरिन्छ । रमण श्रेष्ठजी महान्यायाधिवक्ता भएकाे बेलामा पनि धेरै राजपत्रहरु निर्णय कार्यान्वयनमा गएपछि मात्रै प्रकाशित भएका छन् ।’

प्रतिक्रिया

Leave a Reply

Your email address will not be published.

सम्बन्धित खवर