लगनखेल मालपोतका नासु र लेखापढी व्यवसायी घुससहित पक्राउ

काठमाडौं । मालपोत कार्यालय लगनखेल, ललितपुरका एक नायब सुब्बा र लेखापढी व्यवसायी घुससहित पक्राउ परेका छन् ।

जग्गा हालसाविकको क्रममा ट्रालय चेक गर्दा नक्सा अनुसार क्षेत्रफल बढी भएको भनी जग्गा मिलाउन नायब सुब्बा मन्दिपकुमार श्रेष्ठ र लेखापढी व्‍यवसायी रमेशलाल श्रेष्ठले ४० हजार घुस लिँदै गर्दा अख्तियार दुरुपयोग अनुसन्धान आयोगको टोलीले मंगलबार पक्राउ गरेको हो ।

अख्तियारका सहायक प्रवक्ता गणेशबहादुर अधिकारीका अनुसार लगनखेल बसपार्क नजिकबाट नियन्त्रणमा लिइएका दुवैजनामाथि अनुसन्धान थालिएको छ ।