युभेन्टसको जितमा क्रिष्टियानो रोनाल्डो र आरोन राम्सेको निर्णायक गोल – Nepal Press

युभेन्टसको जितमा क्रिष्टियानो रोनाल्डो र आरोन राम्सेको निर्णायक गोल

एजेन्सी । आरोन राम्से र क्रिष्टियानो रोनाल्डोले खेलको अन्त्यतिर गोल गरेपछि युभेन्टस १० खेलाडीमा सीमित सासोउलोलाई ३–१ गोलले पराजित गर्दै इटलीको सिरी एको चौथो स्थानमा उक्लिएको छ ।

वेल्सका मिडफिल्डर राम्सेले खेलको ८२ औं मिनेटमा ६ यार्ड भित्रबाट गोल गरेका हुन् । रोनाल्डोले ९२ औं मिनेटमा आन्द्रे कोनसिग्लीको पासलाई सदुपयोग गरेका हुन् ।

यसअघि पहिलो हाफको अन्तिम मिनेटमा फेडेरिको सिसेलाई फल गरेपछि सासोउलोका पेड्रो ओवियाङ रातो कार्ड खाँदै मैदान बाहिरिएपछि पाहुना टोलीले दोस्रो हाफ १० खेलाडीमा खेलेको हो ।

५० औं मिनेटमा ड्यानिलोले २५ यार्डबाट सानदार गोल गरी एलियान्ज रंगशालामा युभेन्टसलाई अग्रता दिलाएका थिए । तर त्यसको ८ मिनेटपछि नै ग्रेगोरी ड्रेफेलले बराबरी गोल फर्काएका थिए ।

यो सिरी ए को साविक विजेता युभेन्टसका लागि जारी सिजन लिगमा लगातार तेस्रो जित हो, जसकारण १७ खेलबाट ३३ अंकका साथ युभेन्टस अंकतालिकाको चौथो स्थानमा उक्लिएको छ ।

युभेन्टस शीर्ष स्थानको एसी मिलानसँग ७ अंकले पछि छ । मिलानलाई गत साताको बुधबार ३–१ ले पराजित गरेको थियो । युभेन्टससँग अतिरिक्त एक खेल पनि बाँकी छ ।

युभेन्टसलाई पराजित गर्न सकेको भए चौथो स्थानमा उक्लने अवसर सिसोउलोलाई पनि थियो । १७ खेलबाट सिसोउलोको २९ अंक छ, तालिकाको सातौं स्थानमा छ ।


प्रतिक्रिया

Leave a Reply

Your email address will not be published. Required fields are marked *