नयाँ वर्षमा ऋचाले घोषणा गरिन् फिल्म निर्माण, ‘कौसिद’ फिल्मको गरियो मुहूर्त – Nepal Press

नयाँ वर्षमा ऋचाले घोषणा गरिन् फिल्म निर्माण, ‘कौसिद’ फिल्मको गरियो मुहूर्त

अभिनेत्री ऋचा शर्माले अंग्रेजी नयाँवर्ष २०२१ को छेकोमा शुक्रबार फिल्म निर्माणको घोषणा गरेकी छन् । बितेको वर्ष आफ्ना लागि अप्रत्याशित रहेको भन्दै उनले फिल्म निर्माणसँगै नयाँवर्षको सुरुआत गर्न लागेको उल्लेख गरेकी छन् ।

फिल्म ‘कौसिद’लाई शुक्रबार बिहान चावहिलस्थित गणेशस्थान मन्दिरमा मुहूर्त गरियो । निर्देशक कुमार भाष्कर, अर्का निर्माता केदार भुषालसहित ऋचाले पूजाआज गर्दै फिल्म शुभारम्भ गरे । आगामी माघ १ गतेदेखि छायांकन हुने फिल्मलाई सोसल ड्रामा जनरामा राखिएको छ । मुख्य भूमिकामा भोलाराज सापकोटा र ऋचा शर्मा हुनेछन् । अन्य कलाकार नयाँ अनुहारका छन् ।

परिवारको लागि घर बनाउन मुख्य पात्रले गर्नुपरेको नैतिक संघर्ष र सम्झौता फिल्मको केन्द्रिय द्धन्द्ध हो । फिल्मको टीजर पोस्टर पनि लन्च गरिएको छ । ऋण कर्जा भुक्तान गर्ने राष्ट्र बैंकको ३५ दिने सूचनालाई पृष्ठभूमिमा राखेर पोस्टर डिजाइन गरिएको छ । सरकारले फिल्म छायांकन फुकुवा गरेसँगै माघ–फागुनदेखि झन्डै ३५ भन्दा बढी फिल्म फ्लोरमा जाँदैछन् ।

प्रतिक्रिया

Leave a Reply

Your email address will not be published.