नेपाल आइडल बुद्ध लामा र अनमोल केसीबीच टीमअप – Nepal Press

नेपाल आइडल बुद्ध लामा र अनमोल केसीबीच टीमअप

अभिनेता अनमोल केसी र नेपाल आइडल बुद्ध लामाले नयाँ फिल्मका लागि टीमअप गरेका छन् । सुपर काजल फिल्मसले निर्माण गर्ने नयाँ प्रोजेक्टमा मुख्य भूमिका अनमोलको हुनेछ । बुद्धले यही फिल्मबाट पाश्र्वगायनमा डेब्यु गर्नेछन् ।

शनिबार सम्पन्न ‘डान्सिङ विथ द स्टार्स नेपाल’ नामक रियालिटी सोमा बुद्ध र उनकी जोडी केबिका खत्रीले फस्ट रनरअप उपाधी हासिल गरेका थिए । उक्त सोको फिनालीमा पुगेका अभिनेता एवं निर्माता भुवन केसीले बुद्ध र केबिकालाई अपकमिङ प्रोजेक्टमा अनुबन्धित गरिएको जानकारी गराए ।

भुवनका अनुसार बुद्धले एउटा गीत गाउनेछन् भने केबिकाले उक्त गीतलाई कोरियोग्राफ गर्नेछिन् । नेपाल आइडल भएपछि सुस्ताएका बुद्ध यो डान्स रियालिटी सोबाट चर्चामा आएका थिए । सुपर काजल फिल्मसले ‘पारस : द अनलक्की म्यान’ वा ‘एन्टीहिरो’मध्ये कुनै एउटा फिल्मको छायांकन चाँडै सुरु गर्दैछ ।

भुवनले आफ्नो फिल्ममा यो डान्सिङ जोडीलाई लिने घोषणा गरेपछि बुद्ध र केबिका खुशि देखिए । नयाँ प्रतिभालाई अवसर दिन निर्माण कम्पनीले यस्तो निर्णय गरेको उनले बताए । यी दुबै फिल्ममा अनमोलको मुख्य भूमिका हुने जनाइएको छ ।


प्रतिक्रिया

Leave a Reply

Your email address will not be published. Required fields are marked *