भजन गायनमा मनिषा, आफ्नै आवाजमा रेकर्ड गराइन् गीत – Nepal Press

भजन गायनमा मनिषा, आफ्नै आवाजमा रेकर्ड गराइन् गीत

क्यान्सर निको भएपछि अभिनेत्री मनिषा कोइरालाको जीवनमा ठूलो आध्यात्मिक मोड आयो । यी बलिउड डिभा पछिल्लो समय काठमाडौंस्थित घरमै बसेर प्रकृतिसँग नजिक भैरहेकी छन् । जीवन जगतलाई हेर्ने उनको दृष्टिकोणमा आधारित रहेर अटोबायोग्राफी पनि प्रकाशन भैरहेका छन् ।

भर्सटाइल स्वभावकी मनिषाको जीवनमा अर्को रुचि थपिएको छ, त्यो संगीत । म्युजिकमा पनि भजन जनरा । सुरसुधा ब्यान्डसँग मिलेर उनले शाष्त्रीय भजन पनि गाएकी छन् । उक्त भजन रेकर्ड भैसकेर पनि अहिले धमाधम म्युजिक भिडियो छायांकन भैरहेको छ ।

मनिषाले गाएको भजन चाहिँ ‘महामृत्युञ्जय मन्त्र’मा आधारित छ । जसले जीवन र जगतलाई हेर्ने गहिराइबारे बोध गराउँछ । सुरसुधा ब्यान्डका संस्थापक सदस्य सुरेन्द्र श्रेष्ठका अनुसार मनिषाकै आवाजमा गीत स्वरांकन भैसकेको छ ।

लकडाउनकै क्रममा नेपाल आइपुगेकी मनिषा त्यसयता काठमाडौंमा रहेर समाजसेवा र आफ्ना रुचिमा सक्रिय छिन् । अहिले कुचो लगाउने, खाना पकाउने र बगैंचा स्याहार्नेजस्ता घरेलु कामको सिकाइमा उनी व्यस्त छिन् । लकडाउनअघि नेटफिल्क्सको एउटा फिल्म सकेकी मनिषाले समाजसेवामा आफू सक्रिय हुने जनाइन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर