फुटबल बिकासका लागि एन्फा र नगरपालिका संघको हातेमालो – Nepal Press

फुटबल बिकासका लागि एन्फा र नगरपालिका संघको हातेमालो

काठमाडौं । अखिल नेपाल फुटबल संघ एन्फाले घरेलु फुटबलको बिकास/विस्तारका लागि नेपाल नगरपालिका संघसँग सम्झौता गरेको छ ।

एन्फा अध्यक्ष कर्मा छिरिङ शेर्पा र नगरपालिका संघका अध्यक्ष तथा धुलिखेल नगरपालिका प्रमुख अशोक कुमार ब्यन्जु श्रेष्ठले दुई वर्षे सम्झौतामा हस्ताक्षर गरे । सम्झौता आवश्यकताअनुसार थप गरिने सहमति पनि छ ।

१० बुँदे सम्झौतामा सबैभन्दा धेरै महत्व ‘एक नगरपालिका एक खेल मैदान’लाई दिइएको छ । यसलाई नाराको रुपमा अघि बढाइनेछ । एन्फाले ऐतिहासिक भनेको यो सम्झौताअनुसार नगरपालिकाले प्रतियोगिता आयोजना गर्ने, व्यवस्थापन र पूर्वाधार निर्माण गर्दा प्राविधिक सहयोग एन्फाले गर्नेछ ।

सम्झौतासँगै कार्यगठन समिति बनेको छ । समितिमा ३ सदस्य हुनेछन् । अर्को सातादेखि नै सम्झौता कार्यान्वयन सुरु हुने दावी दुवै पक्षको छ ।

नगरपालिकाले सात वटै प्रदेशमा अन्तर नगरपालिका तथा नगरपालिका भित्रका क्लब, विद्यालय स्तमा फुटबल प्रतियोगिताहरु सञ्चानल गर्नको लागि पहल गर्नेछ ।

ग्रासरुट फुटबल संचालन गर्नका लागि नगरपालिकाले आवश्यक सहयोग गर्ने देखि फुटबलमा योगदान पुर्याउने खेलाडी, प्रशिक्षक, रेफ्री आदि सरोकारवाला नगरपालिकामा पुरस्कृत गर्नका लागि नीतिगत ब्यवस्था गर्नेछ ।

 

प्रतिक्रिया

Leave a Reply

Your email address will not be published. Required fields are marked *

नेपाल अपडेट ट्रेन्डिङ