मकवानपुरमा बस दुर्घटना, २० जना घाइते

हेटौँडा । मकवानपुरको मनहरिमा बस दुर्घटना हुँदा २० जना घाइते भएका छन् ।

गाउँपालिकाको वडा नम्बर-९ ज्यामिरे स्थित पूर्व पश्चिम सडक खण्डमा बस दुर्घटना हुँदा २० जना घाइते भएका हुन् ।

शुक्रवार बिहान करिब २ बजे काँकडभिट्टाबाट नेपालगन्ज जाँदै गरेको ना ५ ख ५५१५ नम्बरको यात्रुवाहक बस दुर्घटना भएको हो।

बसको अगाडीको पट्टा भाँचिएर अनियन्त्रित हुँदा दाहिने साइडको नालीमा खसेको थियो।

प्रहरीका अनुसार सामान्य घाइते भएका ११ जनालाई स्थानीय मेडिकल र ९ जनालाई चितवनतर्फ उपचारका लागि पठाइएको जनाएको छ ।