‘फर्की-फर्की’को आकर्षक ट्रेलर- अनमोल फर्किए आफ्नै लयमा (भिडिओ)

काठमाडाैं । सुपरस्टार अनमोल केसी अभिनित चलचित्र ‘फर्की फर्की’ ट्रेलर सार्वजनिक भएको छ । विषयवस्तु र मेकिङको हिसाबले ट्रेलर लोभलाग्दो देखिन्छ ।

यसअघि ‘छड्के २’ मा ठूलो धक्का खाएका अनमोलको करिअरमा ‘फर्की फर्की’ निकै महत्वपूर्ण चलचित्र हो । मल्टिस्टारर फिल्म पुजार सार्कीसँग भिड्न लागेकाले पनि अनमोलका लागि यो चलचित्र अघि छड्के ३ मा असुहाउँदो भूमिका खेल्दा असफलता व्यहोरेका अनमोल ‘फर्की फर्की’ मा आफ्नो कम्फर्ट जोनमा फर्केका छन् । यद्यपि, ट्रेलरले पक्कै केही न केही फरक स्वादको आशा जगाएको छ । मेकिङमा निकै मिहिनेत र खर्च पनि झल्किन्छ ।

ट्रेलर अनमोल केसीमाथि नै पूर्णरुपमा केन्द्रित छ । उनलाई रोमान्टिकदेखि आक्रामक अवतारमा समेत देखाइएको छ । अनमोलको भूमिका र अभिनयमा उनको पुरानो हिट चलचित्र ‘ड्रिम्स’ को झल्को आउन सक्छ ।

लभस्टोरी जनराको फिल्ममा अनमोलको जोडीका रुपमा जसिता गुरुङले अभिनय गरेकी छन् । ट्रेलरमा अनमोल जसिताको लिपलकसमेत देखाएर दर्शक लोभ्याउन खोजिएको छ । फर्की–फर्की हिट भएमा यो जोडी नेपाली चलचित्रमा नयाँ हिट कपलका रुपमा उदाउन सक्छ ।

(भिडिओ)

चलचित्रको लेखन तथा निर्देशन सुयोग गुरुङले गरेका हुन् । चलचत्रिमा सलोन बस्नेत विशेष भूमिकामा देखिनेछन् । अन्य कलाकारहरुमा समृद्धि अर्याल, कृष्ण मल्ल, निर्मल शर्मा, रवि काफ्ले, स्वप्निल घिमिरे लगायत छन् ।