इलाम- २ मा कांग्रेसका डम्बर खड्काले गरे उम्मेदवारी दर्ता (भिडिओ)
नेपाल प्रेस
२०८० चैत २४ गते १५:२६
काठमाडौं । इलाम २ मा नेपाली कांग्रेसका उम्मेदवार डम्बर खड्काले उम्मेदवारी दर्ता गराएका छन् । मुख्य निर्वाचन अधिकृतको कार्यालयमा दलबलसहित पुगेर खड्काले उम्मेदवारी दर्ता गराएका हुन् ।
वैशाख १५ गते हुने उपनिर्वाचनको लागि अहिले उम्मेदवारी दर्ता जारी छ ।
एमालेका सुहाङ नेम्वाङ, नेकपा एकीकृत समाजवादीका जीतबहादुर राई, जनमत पार्टीका प्रेमकुमार थाम्सुहाङ, नेपाल मजदुर किसान पार्टी (नेमकिपा)का श्यामबहादुर दर्जी, स्वतन्त्र उम्मेदवार डाकप्रसाद गौतमलगायतले उम्मेदवारी दर्ता गराइसकेका छन् ।
कांग्रेस उम्मेदवार खड्का गत निर्वाचनमा एमालेका सुवास नेम्बाङसँग १४४ मतले पराजित भएका थिए ।
नेपाल प्रेस
प्रकाशित: २०८० चैत २४ गते १५:२६
प्रतिक्रिया
सम्बन्धित खवर
