संसदीय दलमा देउवाको दुखेसो- प्रचण्डजस्ता धोकेबाजलाई भन्ने शब्द छैन, यस्ताको औषधी हुन्न
नेपाल प्रेस
२०८० फागुन २४ गते १२:२१
काठमाडौं । कांग्रेस सभापति शेरबहादुर देउवाले प्रधानमन्त्री पुष्पकमल दाहाल प्रचण्डलाई धोकेबाजको संज्ञा दिएका छन् ।
पार्टी संसदीय दलको बैठकमा सभापति देउवाले प्रचण्डजस्ता धोकेबाजको कुनै औषधि समेत नभएको टिप्पणी गरे ।
दलको बैठकमा उनले भने, ‘मैले त सबै सहेकै थिएँ, आफ्नै साथीभाइहरूलाई चित्त दुखाएर पनि गठबन्धन जोगाउन सहेरै बसेँ । तर प्रचण्डले धोका दियो । यस्तालाई के भन्ने मसँग त शब्दै छैन, धोकेबाजको औषधी छैन ।’
संसदीय दलको बैठक सरकारमाथिको समर्थन फिर्ता लिने प्रयोजनको लागि बसेको थियो । बिहीबारको बैठकमा सांसदहरूले भने बोल्न पाएनन् ।
प्रधानमन्त्री प्रचण्डले कांग्रेससँगको गठबन्धन तोडेर नेकपा एमाले लगायतका दलहरूसँग नयाँ गठबन्धन बनाउँदै सरकार विस्तार समेत गरिसकेका छन् ।
नेपाल प्रेस
प्रकाशित: २०८० फागुन २४ गते १२:२१
प्रतिक्रिया
सम्बन्धित खवर
