दयाहाङ्गले एक वर्ष फिल्म साइन नगर्ने, २० भन्दा बढीको छायांकन बाँकी

काठमाडौं। कलाकार दयाहाङ्ग राईले अबको एक वर्ष कुनै पनि नया चलचित्र साइन नगर्ने बताएका छन्।

आगामी माघ २६ गतेबाट प्रदर्शनको तयारीमा रहेको सिनेमा ‘दयारानी’को बिहीबार राजधानीमा पत्रकार भेटघाट कार्यक्रममा दया हाङ्ग राईले उक्त कुरा बताएका हुन्।

उनले अहिले आफू डेढ वर्ष अगाडिदेखि फिक्स भएको चलचित्रहरूलाई समय दिइरहेको र त्यस कारण नयाँ कुनै पनि चलचित्रमा अनुबन्धित नहुने जानकारी दिए। आफू अनुबन्धित भएको तर घोषणा हुन बाँकी ५ वटा चलचित्र रहेको पनि उनले बताए।

उनले भने ‘मैले ७ वर्ष अगाडिदेखि साइन गरेको चलचित्र बल्ल सुट टाइम मिलेको छ । त्यस्तै अरू धेरै छन् त्यसैले नयाँ साइन गर्‍यो भने झन् प्रेसर हुने रहेछ।’

दयाहाङले आफू अनुबन्धित भइसकेको छायाङ्कन गर्न बाँकी २० वटा भन्दा बढी चलचित्र रहेको अनुमान छ।