मिन भामको ‘साम्बला’ बर्लिन फिल्म फेस्टिभलको शीर्ष विधा ‘गोल्डेन बेयर’मा छनोट

काठमाडौं । निर्देशक मीन भामको चलचित्र ‘साम्बाला’ बर्लिन फिल्म फेस्टिभलमा छनोट भएको छ । फेस्टिभलमा यस फिल्मले अन्य १९ फिल्मसँग सर्वोच्च पुरस्कार ‘गोल्डेन बेयर’क लागि प्रतिस्पर्धा गर्नेछ ।

यस फिल्म निर्माणका लागि मात्रै पनि भामले लाखौं रुपैयाँको विभिन्न अन्तर्राष्ट्रिय पुरस्कार जितेका थिए । यस फिल्मलाई उपल्लो डोल्पोमा छयंकन गरिएको हो । फिल्मको पटकथा पनि भाम स्वयंको रहेको छ । यसअघि यो फिल्मको नाम ‘चिसो वर्ष’ राखिएको थियो ।

‘साम्बाला’ बर्लिन फिल्म फेस्टिभलको ‘गोल्डेन बेयर’ विधा अन्तर्गत प्रतिस्पर्धा गर्ने पहिलो नेपाली फिल्म बनेको छ । यसअघि भामको ’कालो पोथी’ले पनि विभिन्न अन्तर्राष्ट्रिय अवार्डहरू जितेको थियो । भामको यो दोस्रो फिचर फिल्म हो ।