तक्मे बुढाको ‘लाउरे एण्ड दाउरे’मा विजय बराल अनुबन्धित – Nepal Press

तक्मे बुढाको ‘लाउरे एण्ड दाउरे’मा विजय बराल अनुबन्धित

काठमाडौं । अभिनेता विल्सन विक्रम राई ‘तक्मे बुढा’को डेव्यु निर्देशकीय फिल्म ‘लाउरे एण्ड दाउरे’मा कलाकार विजय बराल पनि अनुबन्धित भएका छन् ।

निर्माण टीमले बुधबार उनीसँगको सम्झौता र अर्को एउटा विजयको फरक लुक्सको तस्वीर सार्वजनिक गर्दै फिल्ममा उनी फाइनल भएको जानकारी दिएको हो ।

विल्सनका अनुसार विजय यो फिल्ममा अहिलेसम्मकै फरक भूमिकामा देखिनेछन् । उनी लाहुरेको भूमिका रहने वा दाउरेको भन्ने केही खुलाइएको छैन ।

फिल्मको मुख्य भूमिकामा यसअधि नै अभिनेता दयाहाङ राई र बुद्धि तामाङ अनुबन्धित भैसकेका छन् । विजयको प्रवेशसँगै फिल्ममा कलाकारको लाइनअप पनि बलियो बन्दै गएको छ । फिल्ममा अभिनय गर्ने मुख्य अभिनेत्री र अन्य कलाकार केही समयमा टुङ्गो लाग्ने निर्माण टीमले जनाएको छ ।

विल्सनकै निर्माण कम्पनी तक्मे प्रोडक्सनले फिल्म बनाउन लागेको हो । कमेडी र लभस्टोरीको कथावस्तुमा निर्माण हुन लागेको फिल्मको लेखन विल्सन स्वयंले गर्नेछन् ।

यसअघि केही प्रोजेक्ट बनाउन अन्य ब्यानरसँग सहकार्य गरेको तक्मे प्रोडक्सनले ‘लाहुरे एण्ड दाउरे’को निर्माण भने एक्लै गर्नेछ । फिल्मको निर्मातामा सरिना लामा छिन् । फिल्मको संगीत अनमोल गुरुङले गर्नेछन् ।


प्रतिक्रिया

Leave a Reply

Your email address will not be published. Required fields are marked *