ट्रेनको डब्बाभित्रै लडेर महोत्तरीका एक यात्रुको मृत्यु
![](https://www.nepalpress.com/wp-content/uploads/2020/11/nepalpress-logo-n.png)
२०८० माघ २ गते १३:१९
![](https://www.nepalpress.com/wp-content/uploads/2024/01/nepalpress-logo.jpg)
जनकपुरधाम । महोत्तरीको भंगहादेखि भारत विहारको जयनगर चल्ने रेलको डब्बाभित्रै लडेर एक यात्रुको मृत्यु भएको छ ।
मृत्यु हुनेमा लोहरपट्टी नगरपालिका ४ का अन्दाजी ५० वर्षीय रामएकवाल पण्डित छन् । उनी लोहरपट्टीमै रेल चढेका थिए ।
बिहान ८ बजे भंगहाबाट जयनगरका लागि छुटेको ट्रेन जनकपुरधाम पुग्न लाग्दा रेल्वेको टिटी (कर्मचारी) ले टिकट चेक गर्ने क्रममा पण्डित लडेका थिए । लडे लगत्तै उनको मृत्यु भएको धनुषा प्रहरीले जनाएको छ ।
मृतक पण्डितको शव पोस्टमार्टमका लागि प्रादेशिक अस्पताल जनकपुरधाम लगिएको छ ।
प्रतिक्रिया
सम्बन्धित खवर