महामन्त्रीद्वय गगन थापा, विश्वप्रकाश शर्मालाई अनुरोध र मेरो आँखा अगाडि डा. शेखर कोइराला

एकातिर रवि लामिछानेको घण्टी बजिरहेछ । अर्कोतिर बालेन शाहको ट्वीटर दौडिरहेको छ । अर्कोतिर राणा, पञ्चायत, माओवादी, एमाले, कांग्रेसलगायतको कुशासनले गर्दा नेपाली जनमानसमा आएको निराशा भोटमार्फत नेपाली कांग्रेस पार्टीमा पोखिएको छ ।

यसको प्रमाण नेपाली कांग्रेस किल्ला चितवन र तनहुँमा विगतमा बजेको घण्टी र निर्वाचन परिणामले संकेत गरेको छ । नेपाली कांग्रेसले पहिले गम्भीर समीक्षा गरी पार्टीभित्र एकताको सन्देश दिनुपर्ने भएको छ । गिरेको शाख बढाउन, एकताको आभाष दिन गुट, उपगुटबाट माथि उठ्ने, समाजवादी समृद्धिको नारा बुझ्ने, सहिदको सपना साकार गर्नसक्ने, एकताको सन्देश भर्नसक्ने नेता नेपाली कांग्रेसभित्र खोजी गर्नु अपरिहार्य भएको छ ।

डा. शेखर कोइराला, माननीय गगन थापा र विश्वप्रकाश शर्मा, हरेक दिन यी तमाम बेतिथिलाई थिति बसाल्न अब नेपाली कांग्रेस पार्टीको नेतृत्वमा नै सरकार बनाइ तमाम समस्या हल गर्न र जनविश्वास प्राप्त गर्न नेपाली कांग्रेसले पहल गर्नुपर्छ भनिरहनु भएको छ ।

नेपाली कांग्रेस बलियो बनाउन अब सभापति शेरबहादुर देउवा, महामन्त्रीद्वय गगन थापा र विश्वप्रकाश शर्मा तथा वरिष्ठ नेता डा. शेखर कोइराला अब उप्रान्त एकै ठाउँमा उभिनुपर्छ । यसमा नै नेपाल र नेपाली कांग्रेसको भलो हुन्छ ।

सबैले आ-आफ्ना दावेदारी प्रस्तुत गरिरहँदा हामी कांग्रेसीहरुले कसले कस्ता एजेण्डाहरु बोकिरहेका छौं ?

• विगतमा पदमा रहँदा कसले कार्यकर्ता र जनताका कुरा सुने ?
• कसले व्यक्तिगत स्वार्थ त्यागेर मुलुक र जनताका लागि राजनीति गरे ?
• कसले वर्तमान संकट निवारणमा सही कार्यदिशा दिनसक्छ ?
• कांग्रेसलाई मुलुककै पहिलो पार्टी बनाउने आधार कसले तयार गर्दैछ ?

भन्ने मुख्य कुरामा ध्यान दिन जरुरी छ ।

किन डा. शेखर कोइरालालाई पार्टी सभापति बनाउनुपर्ने ? मेरो आत्माले देखेको डा. शेखर कोइराला यस्तो हुनुहुन्छ ! डा. शेखर कोइराला, माननीय गगन थापा, विश्वप्रकाश शर्मा हरेक दिन यी तलका बेतिथिविरुद्ध प्रस्ट आवाज उठाउने नेता हुनुहुन्छ ।

उहाँ के भनिरहनु भएको छ भने

• भ्रष्टाचार काण्डको अनुसन्धानले गति लिन नसक्दा आमजनतामा निराशा बढाएको,
• कोशी प्रदेशमा दुई–दुई पटक सरकार गठनमा असंवैधानिक कदमलाई साथ दिएको,
• प्रधानमन्त्रीले जातीय मुद्दा उठाएर समाजलाई द्वन्द्वतिर धकेल्न खोजेको,
• सरकार गठनको एक वर्ष पुग्दा पनि आमजनताले राहत नपाएको,
• सरकारले जनहितको लागि डेलिभरीका काम गर्न नसकेको,
• विवादास्पद व्यक्तिलाई नियुक्ति दिएर निराशा बढाउने काम गरेको,
• जनभावनाअनुसार विकासको काममा सरकार पूर्ण असफल भएको,
• केन्द्रले प्रदेश सरकारलाई संविधानले किटानी गरेको अधिकार दिन इन्कार गरेको,
• चारैतिर अन्योल र असमञ्जस्य स्थिति रहेको,
• बेरोजगार बढेको,
• देशको आर्थिक अवस्था खस्केर Economy Crash हुने अवस्था आएको,
• अन्तर्राष्ट्रिय सम्बन्ध बिग्रिएको,
• नागरिकमा व्यापक फ्रस्ट्रेशन आएको,

नेपालको राष्ट्रियतामा खिया लाग्दै गएको स्थिति जगजाहेर छ ।

डा. शेखर कोइराला, माननीय गगन थापा र विश्वप्रकाश शर्मा, हरेक दिन यी तमाम बेतिथिलाई थिति बसाल्न अब नेपाली कांग्रेस पार्टीको नेतृत्वमा नै सरकार बनाइ तमाम समस्या हल गर्न र जनविश्वास प्राप्त गर्न नेपाली कांग्रेसले पहल गर्नुपर्छ भनिरहनु भएको छ ।

यति गहिरो र यथार्थपरक प्रस्ट कुरा राख्ने, परिस्थिति नियाल्ने, सूक्ष्म विश्लेषण गर्ने र समाधानको लागि नेपाली कांग्रेस पार्टी र नेपाल सरकारलाई सल्लाह दिने नेता मैले भेटेको छैन । २०४६ सालयताका हरेक राजनीतिक घटनाक्रममा प्रत्यक्ष अप्रत्यक्ष रुपमा सहभागी भएर डा. शेखर कोइरालाले पार्टीभित्र पुर्‍याएको योगदानको कदर गर्ने हो भने अब उनकै नेतृत्वमा कांग्रेस व्युँतिनेमा दुई मत छैन । १० वर्षे सशस्त्र द्वन्द्वलाई शान्तिपूर्ण आन्दोलनमार्फत निमिट्यान्न गर्न स्वर्गीय गिरिजाप्रसाद कोइरालाले शेखर कोइरालालाई जति विश्वास गरे, त्यत्ति अन्य पात्रलाई गर्न सकेका थिएनन् ।

डा. शेखर कोइरालाले तत्कालीन माओवादीसँग सात राजनीतिक दलहरुबीच १२ बुँदे सम्झौता गर्न गराउन खेलेको सकारात्मक भूमिकाकै कारण आज देश शान्तिपूर्ण राजनीतिमा छ । विगत २० वर्षयताको राष्ट्रिय अन्तर्राष्ट्रिय राजनीतिक, आर्थिक, सामाजिक परिस्थिति र परिवेशलाई प्रत्यक्ष भोग्दै, अनुभूत गर्दै आएका, देशका ७७ वटै जिल्लाका नेता कार्यकर्ताहरुसँग समान धारणा बनाएर पार्टी र संगठनलाई विधि तथा प्रक्रियाबाट चलाउनुपर्छ भन्ने एकमात्र ध्येय बोकेर राजनीति गर्ने डा. कोइरालाले अब कांग्रेसलाई काँध थाप्नुको विकल्प छैन ।

पछिल्लो समय पार्टीलाई नीतिनियमले चलायमान बनाउने भन्दा भित्र व्यक्तिवाद हावी भइरहेको छ । त्यसलाई समाप्त पार्न र पार्टीलाई विधिविधानमा चलाउन पनि डा. शेखरको लिडरसीप अनिवार्य छ । डा. शेखर कोइरालाले १३औं महाधिवेशनबाटै पार्टीलाई व्यापक पुनर्संचरनाको कुरा उठाएका छन् ।

पछिल्लो समय पार्टीलाई नीतिनियमले चलायमान बनाउने भन्दा भित्र व्यक्तिवाद हावी भइरहेको छ । त्यसलाई समाप्त पार्न र पार्टीलाई विधिविधानमा चलाउन पनि डा. शेखरको लिडरसीप अनिवार्य छ । डा. शेखर कोइरालाले १३औं महाधिवेशनबाटै पार्टीलाई व्यापक पुनर्संचरनाको कुरा उठाएका छन् । पार्टीको स्थानीय तहमा ६०, प्रदेशमा ५० र केन्द्रमा ४० प्रतिशत युवाहरुको सहभागिता गराउने डा. शेखरको रणनीति अहिलेको परिवेशमा सबैभन्दा श्रेष्ठ रणनीति हो । आगामी निर्वाचनमा पार्टीलाई पुनः एक नम्बर बनाउने सवालमा डा. कोइरालाले युवाहरुको भूमिका बढाउन खोज्नुभएको छ । यसले देशव्यापी रुपमा निष्क्रिय रहेका युवा पंक्तिलाई जागरुक गराएको छ ।

कांग्रेसको १३औं महाधिवेशनमा सर्वाधिक लोकप्रिय मत ल्याएका डा. शेखर कोइराला एकमात्र यस्ता पात्र हुन्, जसलाई पुराना र नयाँ दुवै पुस्ताले उत्तिकै रुचाउँछन् । देश विदेशका हरेक राजनीतिक, आर्थिक, सामाजिक परिस्थितिलाई सूक्ष्म विश्लेषण गर्नसक्ने, आम युवाहरुको विचार र मनोभावनाको प्रतिनिधित्व गर्नसक्ने भनेकै डा. शेखर हुन् । स्पष्ट वक्ता, अध्ययनशील र जनताका हरेक सुखदुःखमा सहयात्री बनेर गाउँघर डुलेका डा. शेखरसँग व्यवस्थापनको कुशल अनुभवसमेत छ ।

दक्षिण एसियाकै उत्कृष्ट स्वास्थ्य संस्था बीपी कोइराला स्वास्थ्य विज्ञान प्रतिष्ठानको जग बसाल्ने डा. कोइरालाले कांग्रेसको नेतृत्व गरे पार्टी र मुलुकको विकासमा ठूलो टेवा पुग्नेमा दुई मत छैन । नेतृत्वले सांगठनिक रुपमा पार्टी र देशलाई कसरी अगाडि बढाउने स्पष्ट रेखा कोर्न सकेन भने त्यो पार्टी भुत्ते हुन जान्छ । उहाँले पहिलो पंक्तिका नेताहरुलाई सम्मानजनक पदस्थापन गरेर दोस्रो र तेस्रो पंक्तिका नेता तथा कार्यकर्ताहरुलाई अगाडि ल्याउने उद्घोष गर्दैगर्दा त्यसले कांग्रेसभित्र नेतृत्व तयार गर्ने अभियान चल्नेछ । युवाहरु स्वःस्फुर्त पार्टीका कार्यक्रमहरुमा सक्रिय रहनेछन् । त्यसमाथि डा. कोइरालाले एक कार्यकालमात्र सभापति भएर युवा पुस्तालाई नेतृत्व हस्तान्तरण गर्ने भनिरहँदा त्यसले कांग्रेसलाई पुनर्संरचनामा जाने आधार पनि तयार हुनेछ ।

अर्कोतर्फ जनआन्दोलनमा सहिदहरुले देखाएको मार्ग स्मरण गरिरहने, समानता, सराबरा, हराभरा, विकास, समृद्धि र समाजवाद प्राप्तिको दीर्घकालीन लक्ष्य लिने, बौद्धिक र विज्ञहरु खोजी गरी राष्ट्र निर्माणको लागि जिम्मेवारी दिने र सम्मान दिने, Right man in Right place भन्ने, राष्ट्रियताको पक्षमा दरो खरो र प्रस्ट अडान राख्ने, तत्काल, मध्यकालीन र दीर्घकालीन योजनाको बारेमा सोच भएको सालीन भद्र र बौद्धिक नेतामा हुने गुण पाउँछु म डा. शेखर कोइरालामा ।

देश विदेशका हरेक राजनीतिक, आर्थिक, सामाजिक परिस्थितिलाई सूक्ष्म विश्लेषण गर्नसक्ने, आम युवाहरुको विचार र मनोभावनाको प्रतिनिधित्व गर्नसक्ने भनेकै डा. शेखर हुन् । स्पष्ट वक्ता, अध्ययनशील र जनताका हरेक सुखदुःखमा सहयात्री बनेर गाउँघर डुलेका डा. शेखरसँग व्यवस्थापनको कुशल अनुभवसमेत छ ।

विगतमा नेतृत्वहरुले पार्टी भन्दा पनि व्यक्तिगत स्वार्थ हेर्दा कांग्रेसको धरातल कमजोर भएको हो । माननीय गगन थापा त्रिचन्द्र क्याम्पसमा आईएस्सी पढ्दा म त्यहीँ बीएस्सी पढ्थें । हामी निकै मिल्ने दाजुभाइ जस्तो थियौं । हामी कालो चिया खाएर रमाउँथ्यौं । विश्वप्रकाश शर्मा र म निकै नै हितैषी थियौं । विश्वप्रकाश शर्मा त मलाई औधी माया गर्नुहुन्थ्यो । निकै मिल्ने दाजुभाइ जस्तो थियौं ।

नेविसंघ जुझारु बनाउँथ्यौं । गगन थापा, विश्वप्रकाश शर्मा होनहार छन् । तर, उहाँहरुले पनि हतार गरी TOP नेतृत्वमा डा. शेखर कोइरालासँग प्रतिस्पर्धा गर्न खोजे उनीलाई अरु घाटा हुने मैले देखेको छु । डा. शेखर कोइरालापछि म स्वाभाविक रूपमा गगन थापाको विकल्प देख्दिनँ । गगन थापालाई हामीले डा. शेखर कोइरालापछि नेपाली कांग्रेस पार्टी सभापति र प्रधानमन्त्री बनाउनुपर्छ । त्यसपछि विश्वप्रकाश शर्माको पालो आउने नै छ र गगन थापा, विश्वप्रकाश शर्मा उदाउँदा तारा हुन् । उनीहरुसँग समय छ । विचार छ । नैतिकता छ ।

हामीले गगन थापा, विश्वप्रकाश शर्मासँग भएको उमेर समय, विचार र नैतिकतालाई जोगाइ जोगाइ हिँड्नु छ । यहाँ कसैले उक्साहट र मुख्याइँ गर्न जरुरी छैन । एउटा उखान छ नि ‘ढिलो हिँडे पक्कै पुगिन्छ तर हतार गरे भन्न सकिन्न’ र दुर्घटनामा पर्ने सम्भावना बढी हुन्छ । यो कुरा अकाट्य छ । कुनै पनि चिज प्राप्त गर्न हतार गरे, त्यसले दुर्घटना निमत्याउन सक्छ । ठूलो पार्टीको राजनैतिक नेतृत्व केबल व्यक्तिको इच्छा पूर्ण गर्न हुनुहुँदैन । यो इच्छासँग नेपाल र नेपालीको भविष्य जोडिएको हुन्छ । त्यसैले त्यै नेतृत्व छान्दा अब बृहत परिवेश हेर्ने र सोच्नुपर्ने हुन्छ । तर, गगन थापाले डा. शेखर कोइरालासँग उक्साहटमा हतार गरी डा. शेखर कोइरालासँग पन्ध्रौं महाधिवेशनमा प्रतिस्पर्धा गर्दा गगन थापालाई धेरै घाटा हुने मैले देखेको छु । मैले त देखेको कुरा मात्र नडराइ नलुकाइ प्रस्ट राखिदिने हो ।

गगन थापाले डा. शेखर कोइरालासँग उक्साहटमा हतार गरी डा. शेखर कोइरालासँग पन्ध्रौं महाधिवेशनमा प्रतिस्पर्धा गर्दा गगन थापालाई धेरै घाटा हुने मैले देखेको छु । मैले त देखेको कुरा मात्र नडराइ नलुकाइ प्रस्ट राखिदिने हो ।

तसर्थ, पुनः भन्छु कि नेपाली कांग्रेस पार्टीभित्र बृहत एकताको सूत्र भनेको आदरणीय शेरबहादुर देउवाको प्रस्तावमा र गगन थापा, विश्वप्रकाश शर्मालगायतको समर्थनमा डा. शेखर कोइरालालाई भविष्यको नेपाली कांग्रेस पार्टी सभापति घोषणा गर्नु नै हो । यसले देशभर पार्टी एकताको सन्देश जानेछ । गाउँ-गाउँमा कार्यकर्ताको मनोभावना उच्च भई नेपाली कांग्रेसका कार्यकर्ता जुझारु बन्नेछन् । यो झूटो कुरा होइन । मैले हजारौं नेता कार्यकर्तासँग संवाद, छलफल, सम्पर्क गरी बनाएको निचोड हो ।

विदेशमा आउँदा शेरबहादुर देउवासँग धेरै समय सँगै बसेर कुराकानी गर्ने, विदेश घुमाउनेमध्ये म पनि एक कार्यकर्ता हुँ । आदरणीय शेरबहादुर देउवा मलाई चिन्नुहुन्छ, बुझ्नुहुन्छ र असाध्य माया गर्नुहुन्छ । मैले प्रत्यक्ष भेटेरै आदरणीय शेरबहादुर देउवालाई यी सबै भनेको पनि छु । अब गगन थापा, विश्वप्रकाश शर्मालाई भेटेर भन्नुपर्नेछ ।

नेतृत्व परिवर्तनमा मेरो विशेष धारणा छ । यहाँ पस्कन चाहन्छु- हामीलाई रोग लाग्छ र मेडिकल डाक्टरमा जान्छौं पटक पटक । यी डा. रोग पत्ता लगाउँदैनन् । हामी डा. फेर्छौं, अस्पताल फेर्छौं । मेडिकल क्लिनिक फेर्छौं र

हाम्रो बच्चा बोर्डिङ स्कुलमा पढाउँछौं । बच्चाको स्कुलको नतिजा पटक राम्रो नआउँदा हामी स्कुल नै फेर्छौं वा शिक्षक फेर्छौं । रेष्टुरेण्टमा खाना खान जान्छौं । तर, खाना राम्रो लागेन भने रेस्टुरेण्ट फेर्छौं । जुत्ता पुरानो भए जुत्ता फेर्छौं । चपाउने दाँत झरे कृत्रिम दाँत राख्छौं । त्यसैगरी चप्पल, लुगा, बेड, फोन, खाना, जागिर, व्यवसाय सबै फेर्ने कोसिस गर्छौं । यो ध्रुव सत्य हो ।

तर, अफसोस असफल नेता चाहिं फेर्ने होइन कि फेर्नु पर्छ भनी उच्चारणसम्म गर्न सक्दैनौं । यो सब आश, लाभ र त्रासले भइरहेछ ।

नेपाली कांग्रेस पार्टीले लिएको सिद्धान्त चाहिं व्यक्तिगत आश, त्रास र लाभविनाको हो । नेपाली कांग्रेस बलियो बनाउन अब सम्माननीय शेरबहादुर देउवा, माननीय गगन थापा, विश्वप्रकाश शर्मा र डा. शेखर कोइराला अब उप्रान्त एकै ठाउँमा उभिनुपर्छ । यसमा नै नेपाल र नेपाली कांग्रेसको भलो हुन्छ । तसर्थ, डा. शेखर कोइरालालाई कम्तीमा एक पटक नेपाली कांग्रेस पार्टी सभापति र नेपालको भविष्यको प्रधानमन्त्री बनाउन कोसिसा गरौं । यसमा नै नेपाल र नेपाली कांग्रेस पार्टीको हित हुनेछ ।

स्नेही
आरके त्रिपाठी
लण्डनबाट