सुरक्षा पन्तको अभिनय रहेको रतन देवकोटाको ‘देश छोड्नेको लर्को’ सार्वजनिक (भिडियो)

काठमाडौं । सञ्चारकर्मी तथा लेखक रतन देवकोटाले लेखन, निर्माण गरेको गीत ‘देश छोड्नेको लर्को’ सार्वजनिक भएकाे छ । स्वयम देवकोटा र समीक्षा अधिकारीको स्वर रहेको गीतमा अर्जुन पोखरेलको संगीत र सञ्जीव बराइलीको एरेन्ज रहेको छ ।

मानव सुवेदीले निर्देशन गरेको गीतको भिडियोमा सुरक्षा पन्त र टंक चौलागाईको अभिनय रहेको छ । गीतको सम्पादन सुवेदीले नै गरेका हुन् भने छायांकन सौगात धितालले गरेका छन् । गीत रतन देवकोटा युट्युब च्यानलबाट सार्वजनिक भएको छ ।

गीतमा समग्र वर्तमान नेपाली समाजको वास्तविक चित्र देखाइएको छ । महिलाले न्याय नपाएको कुरादेखि भ्रष्टाचार र राजनैतिक बेइमानीको कुरा उठाइएका छन् । नाटकिय शैलीमा गितले युवाले देश छोड्नुका कारण उठाएको छ । नागरिक सरकार, राजनैतिक दल र कर्मचारी प्रणालीबाट हैरान भएको कुरा प्रस्तुत गरिएको देवकोटाले नेपाल प्रेससँग बताए । उनले भने, ‘सुसासनको प्रत्याभुत गर्न नसकेको कुरा उठाइएको छ । नेता मात्रै समस्या होइनन् । जनता स्वयं एक चोक्टा मासु र एक चुस्की रक्सीमा भुलेको कुरा पनि गितमा नाटकिए ढंगले प्रस्तुत गरिएको छ ।’

विभिन्न जात जाति धर्म र समुदायलाइ प्रतिनिधी पात्रका रूपमा गितमा उभ्याइएको र देशमा गरिखाने सकारात्मक माहोल नभएपछि अधिकांश युवाले विदेशिले सपना देखि रहेका तथा देश छोड्नु धेरैको रहर होइन बाध्यता बनेको कुरा पनि समेटिएको छ ।

सन् २०२० मा यो कस्तो शिक्षा हो ? गीतको सार्वजनिक गर्दै संगित क्षेत्रमा औपचारीक रूपमा प्रवेश गरेका देवकोटा ग्यालेक्सी टिभीमा कार्यक्रम निर्माता तथा प्रस्तोता छन् । विगत १० वर्षदेखि शिक्षा तथा मिडियामा सक्रिय रतन देवकोटा सङ्गीत कम्पोजर, गीतकार तथा गायक हुन् । शिक्षा क्षेत्रको बेथिति विसङ्गतिलाई सङ्गीतको माध्यमबाट व्यङ्ग्यात्मक रूपमा भन्दै आइरहेका छन् ।

शिक्षा तथा सामाजिक विषयवस्तुमा कलम चलाउने देवकोटाले विभिन्न सामाजिक विषयवस्तु समेटिएका उनका थप गीतमा काम गरिरहेको देवकाेटाले बताएका छन् ।