नेकपाबारे सर्वोच्चको आदेशपछि अर्को पार्टी दर्ता गर्न धेरै कोसिस गर्दा पनि प्रचण्ड मानेनन् : ओली
‘एमाले फुटाउन निर्वाचन आयोग, तत्कालीन सभामुखसहितको गिरोह लागे’
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2023/08/vMix-Capture-28-August-2023-17-09-10.jpg)
काठमाडौं । नेकपा एमालेका अध्यक्ष केपी शर्मा ओलीले नेकपा सर्वोच्च अदालतले नभएर प्रचण्डले फुटाएको आरोप लगाएका छन् ।
काठमाडौंमा आयोजित जनप्रतिनिधिसँगको अन्तरक्रिया कार्यक्रमलाई सम्बोधन गर्दै उनले प्रचण्ड कम्युनिष्ट पार्टीलाई कमजोर पार्न लागेको बताए ।
उनले भने, ‘अदालतले नेकपा फुटाइदिएको भन्ने भाष्य खडा गरिएको छ, त्यो ठीक होइन । अदालतले ऋषि कट्टेलले त्यही नाममा पहिले नै दर्ता गराइसकेको हुँदा अर्को नाम दर्ता गर्न आऊँ भनेको थियो । अर्को नाम लिएर दर्ता गर्न मैले अनेक कोसिस गर्दा पनि प्रचण्डले मानेनन् । नाम अर्को लिएर भोलिपल्ट दर्ता गरेको भए हुन्थ्यो ।’
प्रचण्ड अलग भएपछि निर्वाचन आयोग, सभामुख र माधव नेपालहरुको साँठगाँठमा एमाले फुटाएर लगेको उनले बताए ।
लाज, शरम छाडेर निर्लज्ज भएर पार्टी फुटाएर लगेको ओलीको भनाइ छ । एमाले तलैसम्म फुटाउने षड्यन्त्रमा निर्वाचन आयोग पनि लागेको उनको दाबी छ ।