राजेश हमालको तीज गीत सार्वजनिक

काठमाडौं। महानायक राजेश हमाल र मञ्जु थापा फिचर्ड ‘नयाँ घर आँगनमा नाच फरर’ बोलको तीज गीत सार्वजनिक भएको छ। गायिका भावना आचार्य र गायक डेभिड शंकरको स्वरमा रहेको गीतमा गायिका भावनाकै शब्द तथा संगीत रहेको छ।

भावना आचार्यका यसअघि बग्ने खोला, मूलको पानी, चट्ट रातो सारीमा, टिकटक चलाउने, ‘उडी उडी आ सुवा’लगायतका गीतहरू लोकप्रिय छन् । त्यसै गरी गायक डेभिडको पनि पहिलो नम्बरमा,दर्शन सलाम जस्ता गीतहरू सफल छन्।

देवेन्द्र पाण्डेको निर्देशनमा बनेको भिडियोमा कोरियोग्राफी पनि निर्देशक पाण्डेकै रहेको छ । भिडियोको छायांकन उत्सव दाहालले गरेका हुन् । भिडियो ओएसआर डिजिटलको अफिसियल च्यानल मार्फत सार्वजनिक गरिएको छ।