नेकपा एसको कार्यवाहक अध्यक्षमा राजेन्द्र पाण्डे

काठमाडौं । एकीकृत समाजवादीकोको कार्यवाहक अध्यक्षको जिम्मेवारी उपाध्यक्ष राजेन्द्र पाण्डेले पाएका छन्। अध्यक्ष माधव नेपाल इन्डोनेसिया प्रस्थान गरेपछि कार्यवाहक अध्यक्षको जिम्मेवारी पाण्डेलाई दिएका हुन्।

अन्तर्राष्ट्रिय कम्युनिष्ट पार्टीको बैठकमा सहभागी हुन गए राति अध्यक्ष नेपाल इन्डोनेसिया लागेका थिए।

कम्युनिष्ट पार्टीहरूको बैठकमा सहभागी मुलुकका नेताले आ आफ्नो मुलुकमा कम्युनिष्ट सिद्धान्तको अवस्था, देश विकासमा त्यसको प्रभाव र योगदानबारे छलफल गर्ने छन् ।

बैठकमा सहभागी भएर अध्यक्ष नेपाल सिङ्गापुर र मलेसिया जानेछन्।

पाँच दिने भ्रमणमा उनले तीनवटै मुलुकका शीर्ष नेतासँग शिष्टाचार भेट तथा दुई देशीय हितका बारेमा छलफल गर्ने अध्यक्ष नेपालका स्वकीय सचिव मोहन गौतमले बताए।