बाघको आक्रमणबाट च्याउ टिप्न जंगल गएकी महिला घाइते
नेपाल प्रेस
२०८० असार २९ गते ८:५२
महेन्द्रनगर । कञ्चनपुरको बेलौरी नगरपालिका-९ डाडाकुण्डाकी २५ वर्षीया बिन्दु डगौंरा बाघको आक्रमणबाट घाइते भएकी छन् ।
बिहीबार साँझ लालझाडी गाउँपालिका-६ चान्देउस्थित शुक्लाफाँटा राष्ट्रिय निकुञ्जको छेउमा डगौंरालाई बाघले आक्रमण गरेको बेलौरी-९ का वडाध्यक्ष किसन रानाले बताए । घाइते भहिलाको धनगढीस्थित नवजीवन अस्पतालमा उपचार भइरहेको छ ।
डगौंरालगायत १०-१२ महिलाको समूह च्याउ टिप्न गएको थियो । सोही क्रममा बाघले डगौंरामाथि आक्रमण गरेको हो ।
‘सबैले हो-हल्ला गरेपछि बाघ भागेर डगौंराको ज्यान जोगियो’ । आँखा र टाउकोमा चोट लागेको छ ‘, वडाध्यक्ष रानाले भने ।
यसअघि बाघको आक्रमणबाट बेलौरी नगरपालिकामै एक महिलाको मृत्यु थियो ।
-रासस
नेपाल प्रेस
प्रकाशित: २०८० असार २९ गते ८:५२
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
