तरलता घटाउन राष्ट्र बैंकले आज फेरि २० अर्ब रूपैयाँ बजारबाट खिच्दै
![](https://www.nepalpress.com/wp-content/uploads/2020/11/nepalpress-logo-n.png)
२०८० असार २६ गते १३:०३
![](https://www.nepalpress.com/wp-content/uploads/2021/01/Nepal_Rastra_Bank_New_Building.jpg)
नेपाल राष्ट्र बैंक । फाइल तस्बिर ।
काठमाडौं । बैंकिङ प्रणालीमा तरलता (लगानीयोग्य रकम) बढ्दै गएपछि नेपाल राष्ट्र बैंकले आज फेरि २० अर्ब रूपैयाँ बजारबाट खिच्दैछ ।
बैंकले रिभर्स रिपोमार्फत २० अर्ब रूपैयाँ तान्न लागेको हो । राष्ट्र बैंकले १४ दिने अवधिको लागि जारी गर्न लागेको यो रिभर्स रिपो साउन ९ गते परिपक्व हुनेछ । रिपो खरिदका लागि मास्टर्स रिपर्चेज एग्रिमेन्ट अनिवार्य हुनुपर्नेछ । रिभर्स रिपो लिन चाहने बैंक तथा वित्तीय संस्थाहरूले आज मंगलबार दिउँसो ३ बजेसम्म अनलाइन बिडिङमार्फत आवेदन गर्न सक्नेछन् ।
बैंकमा पैसा धेरै भएपछि नेपाल राष्ट्र बैंकले पटक पटक बजारबाट पैसा तानिरहेको छ ।
प्रतिक्रिया