कञ्चनपुरमा नहरमा डुबेर एक युवकको मृत्यु
नेपाल प्रेस
२०८० जेठ २७ गते १८:०८
कैलाली । कञ्चनपुरमा नहरमा डुबेर एक युवकको मृत्यु भएको छ ।
जिल्लाको भीमदत्त नगरपालिका १५ गोबरियामा नहरमा डुबेर स्थानीय ३५ वर्षीय भुवनराज भट्टको मृत्यु भएको जिल्ला प्रहरी कार्यालय कञ्चनपुरले जानकारी दिएको छ ।
आफ्नै खेतमा पानी लगाउन गएका बेला उनी नहरमा डुबेर मृत्यु भएको जिल्ला प्रहरी कार्यालय कञ्चनपुरका प्रहरी निरीक्षक हर्ष बहादुर चन्दले जानकारी दिए ।
केही बेर सम्म पनि उनी घर नफर्किएपछि उनीको खोजी भएको थियो । त्यही क्रममा नहरमा डुबेको अवस्थामा उनको शव फेला परेको प्रहरीले जानकारी दिएको छ ।
प्रतिक्रिया